Fermandara Qerargehê Merkezî ya YJA-Starî Zozane Çewlik ANFyî reyde qisey kerd û serra 2020î hetê têgêrayîşê azadîye yê Kurdîstanî ra ercnaye.

Qiseykerdişê Zozane Çewlik ra beşêk wina yo:

''Serra 2020î de de Rayber Apoyî Îmrali de, tepişteyan zîndanan de, şarê ma Kurdîstan û Ewropa de xeylêk çalakîyî kerdî û xo ver da. Na serre zî meseleyê Rojhelatê Mîyanênî nêameyî çareserkerdene. Herême de polîtîkaya qirkerdişê sîyasî bi metodanê tacîz, tecawuz, neteweperwerî û faşîzmî ameye caardene. 

Şaran vera nîjadperestî, vêşanîye, bêkarîye, tecawuz, tacîz û şîdetî her cayê herême de xo ver da û sere wedarit. Coka serra 2020î bîye serra hêvîyan. Bi kilmî ma eşkenê vajê ke serra 2020î de xoverdayîşî morê xo da her ca.

Na serre konsepto verên ê dewleta tirke girankerdişê tecrîdê vera Rayberîye û hêrişê vera waranê komelkî, sîyasî û gerîlayan bi. Dewleta tirke bi nê hawayî waşt ke destkewteyanê kurdan çin bikera, Rayberîye, PKK û gerîlayan tasfîye bikera. 

Ma çinkerdişê nê konseptî xo rê kerd armanc. Ma seba ke tecrîdê vera Rayber Apoyî biqedo, gefê vera kurdan bêrê çinkerdene amadekarîyê xo kerdî.

Na serre de asta tewr berze de hêrişê vera cinîyan zêdîyayî. No tehlukeyêko pîl o. Ganî camêrdî zî hetê cinîyan de vera na mesele wurzê payan ser û bi mesuldarî têbigêrê. Her roje Tirkîya de serebûtê şîdetî qewimîyenê. Kercews de 26 kesan tecawuzê domanêka 12 serre kerd. Na sebî yew cinawirî ya? Faşîzm yeno manaya erjanê merdimîye ra dûrkewtiş. Sey şerwananê YJA-Starî ma nê sîstemê koledarîye red kenê, vera nê sîstemî şer kenê.

Cinîyî bêçare nîyê. Ganî cinîyî rêxistinî û yewîya xo bikerê. Serra 2020î mojna ma ke  hêzê cinî û ciwanan do nê rejîmî çin bikerê. 

Qirkerdişê kurdan, polîtîkaya înkar û çinkerdişî seba dewleta tirke yew konsept o û no konsept serra 2015î ra nata dewam keno. Rojawan de rayberîya cinîyan de şoriş ame kerdene. No konsept armanc keno ke Vakur de gerîlayan tasfîye bikero, Herêmanê Pawitişî yê Medya îşxal bikero û hêrişê Şingal û Mexmûrî bikero. 

Xoverdayîşê gerîlayan verê dewleta tirke girewt. Konseptê AKP-MHPyî ser nêkewt. Sey hêzanê azadîye yê Kurdîstanî ma eşkenê nê planan vindarnê la bi temamî ma nêeşkenê çin bikerê. No zî seba ma yew rexne yo.

Gerîlayê YJA-Starî bi qerardarî dest pê serra 2020î kenê. Serra 2020î seba gerîlayan bîye serra xoverdayîşî. Bi taybetî gerîlayan ê cinîyan morê xo da binê xoverdayîşê Cengê Heftanînî. YJA-Starî rayberîya gerîlayan kena. Êyê ke Heftanîn de planê dewleta tirke çin kerdî hêzê YJA-Starî yê û naye ra pey zî gerîlayê ma do vera sîyasetê faşîztî vejîyê.''

Siba do dewam bikero...