Fermandaranê HPGyî ra Sîpan Rojhilat tewrê bernameyê Stêrk TVyî bi û hêrişê dewleta tirke, xoverdayîşê gerîlayan ercnayî.

Qiseykerdişê Rojhilatî ra beşêk wina yo:

''Avaşîn de vera artêşa îşxalkere şerêko pîl esto. Dewleta tirke armanc kena ke pêro Herêmanê Pawitişî yê Medya bivisna destî, operasyonê Heftanînî rê dewam bikera, binkewtişê Garê tela fî bikera. 23ê nîsane ra nata dewleta tirke netîceyêke nêgirewte.  Xoverdayîşê Mamreşo û Girê Şehîd Serdarî hem ma rê bîyî tecrube hem zî moralê ma kerd zêdêr. Nika Werxelê û Girê Sorî de şer esto. Dişmen keno ke xo biresno tunelanê şerî. la leşkerê tirkî gerîlayan ra tersenê. Mesela yenê yewca, gerîlayî danê înan ro û leşkerî çekanê xo zî verdenê şinê. Operasyonê vera Avaşînî mojna ke çîyo sey artêşa tirke çin o. Ê pê pêro îmkanê xo şinê serê gerîlayan la gerîlayî apey gamêke nêeşte. Eqsê ci leşkerî remenê. Mîsalê xoverdayîşê Avaşînî mîsalê serkewtişî yo. Werxelê de 40 rojî yo vera tirkan gerîlayî xo ver danê. Her roje vera tunekan teqaberî, TNT û gazê kîmyewî şuxilîyenê. Heta nika embazan qet xo apey nêgirewt. 

Dewleta tirke  drone, kutik, kontra, qoricî û cergan visnena dewre. Yanî her çi xo rê kerd mertal, pawitişê xo fikirîyeno. Artêşa tirke nêeşkene debikewa tunelan, verê de veng dano vano wa a teslîm bibê, awa înan esta. Awa gerîlayan zî zaf a. Ê vanê qey gerîlayî hê tunelan de vêşan û têşan ê. La gerîlayan mengî verî amadekarîyê xo kerdî. Embazê ma hê vera gazê kîmyewî, çeka kîmyewî, hekîkopter, teyara, skorskyan û teqaberan şer kenê. Na artêşe artêşa pawitişî ya yê hêrişî nîya. Artêşa tirke artêşa propaganda ya.

Dewleta tirke tersnek a, heta nika embazê ma zêdêr pê çeka kîmyewî şehîd bîyî. Gerîlayî hem binê erdî de hem zî serê erdî de profesyonel ê. Ma sey Mamreşo Werxelê û Girê Sor de zî resayî astêka winasêne ke ser bikewê. Verî artêşa tirke 2-3 rojan de xo resnayêne noqtayanê ma la nika 45 rojan de 2 mengan de encax eşkena. Tunelan de meseleya awe û nanî çin a. Hema kesêk zî teslîm nêbo dişmenî. Çunke gerîlayî pê îradeyê xo şer kenê.

Armancê dewleta tirke îşxalê Başûrê Kurdîstanî yo. Erdogan nê operasyonan sey rantê weçînayîşî do bişuxilno. Nê opersyonî coka do derg bibê la gerîlayan pêro amadekarîya xo kerde. Avaşîn, Zap, Çemço û Metîna de her roje serê ma de teyarayî gêrenê, gazê kîmyewî erzenê. Ma hînî babeta çek û gazê kîmyewî de zî bîyî tecrubeyîn, ma zanenê se bikerê. Dewleta tirke nê şerî rê pêro enerjîya xo daye. Dewleyta tirke pê tunelanê ma yê şerî nêeşkena, no net o. Seba Erdogan, Hulusî Akar û Soyluyî kişîyayîşê leşkeran muhîm nîyo, îtîbarê înan muhîm o. Bi desan leşkerê înan merdî la ê ney nimnenê. Dewleta tirke do ser nêkewa. Gerîlayî wayîrê îradeyê xurtî yê.

No wisar embaz Serhed (Giravî) pê waştişê xo şi Mamreşo. Vatêne o do artêşa tirke çin bikero. ê embazê bînî zî pê waştişê xo şîyî uca. Wexto ke operasyonan dest pêkerd nê embazan vatêne 'se beno wa bibo ma do înan Mamreşo de bişiknê.' Embaz Serhedî hêvîyêka pîle daye embazanê ma yê bînan. Embazanê ke Aris Faris de şehîd bîyî zereyê şikefteyî de vera artêşa tirke çalakîya fedayîye kerde. Coka herêmanê Avaşînî de ma rojê pirrî vîyartî. Tecrubeyê ke ameyî girewtene do vîr a nêşorê. Ma do tim nê embazan yad bikerê, xo vîr a nêkerê.''