Eşkera bi ke fermandarê pêşmergeyan ê bi nameyê Muhemed Arîfo ke hêzê 'Zêrevanî' yê PDKyî rexne kerdbi ame remnayene û hema zî vînîbîyaye yo.

Aktîvîstê heqanê merdiman Ayhan Seîdî derheqê babete de qisey kerd û pare kerd ke roja sêşemeyî wexto ke Arîf şîyo merkezê Hêzanê Zêrevanî û dima tira xeberêke nêameye girewtene.

Seîdî Wezîrîya Karanê Zereyî ya Parlamentoyê Kurdîstanî, komîteyanê asayîşî, Wezîrîya Pêşmergeyan û Neteweyanê Yewbîyayeyan (NY) ra waşt ke babete cibigêrê. Lajê Muhemedî Kavîn Mihemedî vat: ''Dima ke babîyê mi hêzê Zêrevanî rexne kerdî, vînî bîyo.''