Fermandarîya Eyaletê Heftanînî hişyar kerd

Fermandarîya Eyaletê Heftanînî beyan kerd ke Artêşa Tirkan a îşxalkere tayê cergewan û kontrayan gurenena û cad kena ke xozaya Kurdîstanî talan bika. Beyanatî de ame vatene “Hêzê ke Dewleta Tirkan a faşîste rê benê hetkar do bibê hedefê hêzanê ma.”

Fermandarîya Eyaletî ya Heftanînî beyanetêk weşana.

Beyanatî de ame vatene “Operasyonê Artêşa Tirkan a îşxalkere yo ke 23ê temmuzê 2019î de herêma Heftanînî ya Herêmanê Pawitişê Medya de dest pê kerdo hîna zî dewam keno û mîyanê hêzanê ma û îşxalkeran de  şer dewam keno. Artêşa Tirkan a îşxalkere cad kena ke herêma operasyonî de daran bibirna û xozaya Kurdîstanî talan bikera û bi nê hawayî xo rê bargehan awan bika. Na çarçewa de Dewleta TC ya îşxalkere sere de cergewanî taye yewînanê kontrayan ana warê operasyonî û bi destê înan daran birnena. Herêmanê ke îşxalkerî tede yê de şer dewam keno. Bi bahaneyanê cîyayan warê şerî de birnayîşê daran û talankerdişê xozaya Kurdîstanî sucêko giran o. Ganî şarê ma megino na dafe ro û bi baldarî tevgigero. 

Ma hêzanê ke warê şerî de xozaya Kurdîstanî talan kenê, vera hêzanê ma xebitîyenê hişyar kenê û vanê, “warê şerî de hêzê ke hetkarî danê dewleta TC ya faşîste ya ke erdê Kurdîstanî talan kena do bibê hedefê hêzanê ma.”