Fermandarîya Eyaletê Heftanînî natorî hişyar kerdî

Fermandarîya Eyaletê Heftanînî ya HPGyî da zanayene ke dewleta tirke çarçewa polîtîkaya ''kiştişê kurdan bi destê kurdan'' de natoran bena herêma operasyonî. Fermandarîya venga natoran da ke xo herême ra biancê.

Fermandarîya Eyaletê Heftanînî da pêhesnayene ke artêşa tirke natoran bena herêma operasyonî û na babete de hişyar kerd.

Eşkerayîya Fermandarîya Eyaletê Heftanînî wina ya:

"Seke yeno zanayene 23ê tebaxe de artêşa tirke ya îşxalkere herêma Heftanînî ya Herêmanê Pawitişî yê Medya de dest bi operasyonêk kerdibi. Hêzanê ma vera nê operasyonî bi çêrî xo cer da û derbê tarîxîyî dayî yewînanê operasyonî ro. Operasyon dewam keno dewleta tirke ya ke armancê ci çinkerdişê hêzanê ma yo seba çinkerdişî bi metodanê gemarinan şer kena. Kayo serek ê dewleta tirke zî bi destê kurdan kiştişê kurdan o. Na çarçewe de wazena komêkê natoran bera herêma operasyonî û vera hêzanê ma înan bidê şerkerdene.

Bi nameyê Têgêrayîşê Apoyî ma hetê îdeolojîk û felsefîkî ra her tim xîret kerd ke plan û hesabanê îşxalkeran ê gemarinan çin bikê. Hêzanê ma heta nika notiranê ke ameyî berdene bi herêma operasyonî ro nêda. Ma zaf rey bi rayîrê çapemenîye, bi rayîranê cîyayan notirî hişyar kerdî ke hacetê nê operasyonan nêbê, tewrê operasyonan nêbê la reyna zî notirî bi israrî yenê herêma operasyonî. Eke herême de operasyon bi nê hawayî dewam bikero hêzê ma do seba pawitişê herême û asayîşî wezîfeyê xo bîyarê ca.

Seke ma verê cû zî dabi zanayene notirî hedefê ma yê serekî nîyê labelê hêzê ke tewrê îşxalkeran bibî û mayînkerdişê îşxalkeran de bibî wayîrê rolêkî do bibê hedefê hêzanê ma. Êyê ke dewleta tirke bi sozê sexteyî xepînena tewrê operasyonê herême benê û vera hêzanê ma têgêrenê netîceyê naye ra berpirsîyar ê. Warê operasyonî bi temamî sey warê qedexekerdeyî yê leşkerî ame eşkerakerdene û her karo ke sey mayînkerdiş uca de yeno kerdene do bêro dîyene û hêzê ma zî do goreyê ney têbigêrê.

Êyê ke nê hişyarîyanê ma rê goş pa nêkewenê çi rewşe biqewimîya ci ra berpirsîyar ê. Ma reya peyêne venga notiranê Jîrkî, Sêgirkê, Bêjehê, Mêrgehê, Hedrisê û Roboskî danê ke herêma operasyonî ra bivejîyê û nêbê hacetê polîtîkayê gemarînî yê dewleta tirke."