Fermandarîya Qerargehê Merkezê Pawitişê Şarî bi mesajêkî fermandar û şerwanê Operasyonê Şorişgêrî yê Şehîde Leyla Amed Sorxwîn fîraz kerdî.

Mesaj wina yo:

''Her çî ra ver ma serrgêra ronîyayîşê PKKyî fîraz kenê. Ma şexsê şehîdanê xo Şîlane Kobanê, Fuad, Ciwan, Zekerîya û Cemîlî de pêro şehîdanê xo bi hûrmetî yad kenê. Ma do nê erjanê şehîdanê xo yê şorişê azadîye û têkoşînê fîrazî rê bêmabên dewam bikerê û wayîrê vîrameyîşê şehîdanê xo vejîyê.

26ê teşrîna peyêne de Warê Xoverdayîşî yê Girê Çarçelî yê Metîna de vera îşxalkeran Operasyono Şorişgêr ê Şehîde Leyla Sorxwîn Amed ame kerdene. Nê operasyonî de derbê giranî dîyayî dişmenî ro, 18 leşkerê îşxalkerî ameyî cezakerdene. Hêzê ma şîyî serê cenazayanê dişmenî, dest na hacetanê înan ser. Operasyono Şorişgêr ê Şehîde Leyla Amed goreyê taktîkanê nê çaxî, bi metodêkê winayênî ame kerdene ke serê dişmenî ra çekê ci ameyî girewtene.

Ma pêro fermandar û şerwananê Operasyonê Şorişgêrî yê Şehîde Leyla Amed Sorxwîn serkewtişanê înan ra semed fîraz kenê.

Ancî bi mana yo ke nameyê Endama Komîteya Merkezî ya PKKyî, Endama Konseya Fermandarîye ya HPGyî, Fermandara ma ya Eyaletê Botanî û fermandara serkêşe ya qehremane Leyla Amed ser o û şewa serrgêra ronîyayîşê PKKyî de no operasyon ameyo kerdene. Na çalakîya serkewte teyna derbî nêdayê dişmenî ro, raştîya şerî ya Kurdîstanî zî eşkera kerde. Dewleta tirke ya zûrkere ancî kişteyê xo nimitî, yan zî neçare mend ke tayê înan eşkera bikera.

Ma pêro embazanê ke bi ruhê fedayî yê Apogîrî şer kerdo ancî bi hîsanê şorişgêran selam kenê. Ma pê bawer ê ke serra partî ya newîye de embazê ma serkewtişanê hîna pîlan do bivisnê destî. Ma pêro embazanê xo rê serkewtiş wazenê.''