Fermandarîya Qerargehê Merkezê Pawitişê Şarî (MPŞ) bîlançoyê şerê serra 2019î eşkera kerde.

Eşkerayîya fermandarîye wina ya:

''Serra 2019î de ke seba Têgêrayîşê Azadîye yê Kurdîstanî mîyanê tarîxî de sey serrêka zaf girînge ca girewte seba şarê ma û gerîlayanê azadîye yê Kurdîstanî bîye serra xoverdeyîşê topyekûnî yê vera teda û hêrişanê dewleta TCyî ya faşîste. Rejîmê AKP-MHPyî yê qirker û faşîstî seba ke her parçeyê Kurdîstanî de destkewteyê şarê ma çin bikero serra 2019î de hêzê xo seferber kerd û xîret kerd ke konseptê şerî giranêr bikero. La vera nê zîhnîyetê faşîstî yo ke wazeno kurdan qir bikero Têgêrayîşê Azadîye yê Kurdîstanî bi hawayêkê bêamanî xo ver da. Îqtîdarê faşîstî yê AKP-MHPyî bi îdîaya çinkerdişê gerîlayan dest pê serra 2019î kerd la derbêka girane werde. Merkezê Îrtîbatî û Çapemenîye yê HPGyî rayaumûmîye reyde pêro raştîye pare kerde.

Esasê gerîlatîya seserra 21. ser o Gerîlayanê Azadîye yê Kurdîstanî yê ke erdê kurdan pawenê serra 2019î de rayîr nêda artêşa TCyî ya faşîste. Sere de xoverdayîşê Xakurkê Zap-Zagrosî ra heta Serhedî, Botan û tewr peynî xoverdayîşê Cengê Heftanînî bi xoverdayîşê gerîlayan her herêma Kurdîstanî de derbêyê giranî dayî artêşa TCyî ya faşîste ro. Her hêrişê artêşa faşîste yê vera gerîlayan zî ame şiknayene. Prosesê xoverdayîşê serra 2019î de têkoşînê ma aver şi, xo ver da û faşîzm û asîmîlasyonê dewleta TCyî çin û bin kerd.

Têkoşînê ma serra 2020î de zî do bi nê hawayî dewam bikero. Nika ra yeno dîyene ke serra 2020î seba hêzanê şorişgêran biba serra destkewteyan û avantajan. Rastîyêka ke Şerê Dinya yo 3. Rojhelatê Mîyanênî de do dewam biko. Nê şerî de nîjadperestîye, neteperwerîye, dîktatorîye ney zîhnîyetê demokratîkî do ser bikewê. Nê esasî ser o ma do serra 42. a ronayîşê partîya xo 2020î de têkoşînê serkewtişî bîyarê ca, serra 2020î bikê çinkerdişê îtîfaqê AKP-MHPyî yê faşîstî.

Seba ma esasêk o ke ma raştîyan şarê xo reyde pare bikê. Nê esasî ser o ma bîlançoyê şerê serra 2019î bi rêzdarî rayaumûmîye reyde pare kenê:

Bîlançoyê Şerê 2019î:

Operasyonê hewayî û erdî yê artêşa TCyî ya îşxalkere:

Operasyonê erdî: 117

Hêrişê bi teyarayan: 620

Hêrişê bi helîkopteranê kobra: 49

Hêrişê bi hawan, obus, tank û topan: 321

Çalakîyê gerîlayan ê vera hêrişanê artêşa TCyî ya îşxalkere û netîceyê înan:

Çalakîyê gerîlayan: 339

Dişmenê ke ameyî kiştene (polîs, leşker ûsn.): 1.220

Payeberzê ke ameyî kiştene (polîs, leşker ûsn.): 20

Dişmenê birîndarî (polîs, leşker ûsn.): 266

Wesayîtê leşkerî yê ke ameyî çinkerdene (zirxînî): 34

Wesayîtê sivîlî ê ke seba armancanê leşkerî ameyêne xebitnayene: 27

Wesayîtê leşkerî yê ke derbe înan ro ameye dayene (zirxînî): 34

Helîkopterê bi tîpê Kobra û Skorskyî yê ke derbe înan ro ameye dayene: 7

Şer: 64

Çalakîyê ke netîceyê înan nêameyî zelalkerdene: 121

Embazê ma yê ke sey esîr kewtî destê dişmenî: 6

Embazê ma yê ke şehîd bîyî: 456