Festîvala Şehîd Gêncoyî ya 3. Dukan de ameye kerdene
Seyrangehê Dukanî yê Silêmanî yê Başûrê Kurdîstanî de Festîvala Şehîd Gêncoyî ya 3. ameye kerdene.
Festîvala Kulturî ya Şehîd Gênco Hesekê ewro goreyê saeta herême 11:00 de seyrangehê Dukanî yê Silêmanî de dest pêkerde. Festîvale hetê Têgêrayîşê Cinîyan ê Ciwanan ê Têkoşeran (TJCT) û Cinîyan ê Welatperweran (TCW) ameye serûberkerdene.
Xeylêk ciwanî tewrê Festîvale bîyî. Festîvale de berhemê hunerî yê cîya-cîyayî ameyî mojnayene.
Festîvale emser reya 3. ya ke yena kerdene. Festîvale nameyê şehîdêkê ciwanî yê bi nameyê Gênco Hesekê ser o yena serûberkerdene.
