Hemserekê HDPyî yê Wanî Fîkret Doganî derheqê mesajanê şarî yê Newroza 2022yî de ANFyî rê qisey kerd.

Fîkret Doganî pare kerd ke Newroze seba kurdan roşan û xoverdayîş o û vat: ''Seba Newroze kurdan ked û bedelê pîlî dayî. Newroze hînî bîye tradîsyon. Şarî Newroza 2022yî de mesajê xo afernayîşî û waştişan da. Serdestî sey her wextî mesajan manîpule kenê û şarî xapînenê. Têna Wan de nê pêro Newrozan de heman mesaj ame dayene. Abdullah Ocalan seba haştîye têkoşîn keno. Key vengê Ocalanî bêro eşnawitene komel asayî beno. Newroza 2022yî de şarî waşt ke tecrîdê Îmrlayî biqedo û Ocalan rolê xo bîyaro ca.''

Doganî bale ante tedayanê vera HDPyî ser û vat: ''HDP partîya tabela nîyo. Pê qefilnayîşî ê nêeşkenê verê têkoşînê HDPyî bigêrê. Şarê ma wayîrê hişmendîyêka polîtîke yo, HDP eşkeno pê partîya xo ya newîye tewrê sîyasetî bibo. Ma sey HDPyî vanê ke ma mecburê polîtîkayanê wird blokan nîyê. Ma Rayîrê 3. vanê. Şar hînî vera sîstemî, vera îqtîdarî wurzeno payan ser. Tek ray^riê muxalefetî rayîro 3. o. Şarê ma wa ney baş bizano.''