Walîtîya Dêrsimî eşkerayîyêka weşanaye û vat ke çimeyê termalî yê kiştê layê Dinarî de otêlêka lukse do bêra viraştene. Vera nê projeyî yo ke warê cuye hedef keno nêrazîbîyayîşî dewam kenê.Hemserekê Komeleyanê Elewîyan ê Demokratîkan (DAD) Musa Kuluyî zî vera viraştişê otêle nêrazîbîyayîşê xo mojna. 

''Cografyaya Dêrsimî fîraz a. Nê erdî ser o jîyarge, ocax û nîşangehê ma estê. Îqtîdarê tirk-îslamî xo ra ber her kesî red keno, înkar keno; ziwan, kultur û bawerîyanê bînan çin keno. No proje heman wextî de firazîya Dêrsimî zî do pûç bikero. Firazîyê ma, çimeyê ma yê tabîyî ware rantî nîyê. Ma neçare yê ke hurmet bimojnê ci.''

Kuluyî ard ziwan ke bi roportajan, eşkerayîyan ê nêeşkenê ke vera talanê xozayî vinderê û vat: Ganî şar vera nê qirkerdişanê xozayî nêrazîbîyayîşê xo bi hawayêkê pîtî bimojno. Ganî her ferdê nê erdî vera nê zîhnîyetê rantî qisey bikero. Ma ganî nê zîhnîyet qebul nêkerê. Ma do qet qebul nêkerê ke çimeyê înan ê tabîîyî, bawerîye û kulturî seba rantî bêrê xebitnayene.''