Partîya Îslamî ya Kurdîstanî (PÎK) bi wesîleya fîrazkerdişê serra newîye eşkerayîyêka nuştekîye daye û vat ke serra newîye do seba şarê kurdî biba serra azadîye.

Eşkerayîye de ame vîrvistene ke dewleta tirke ya îşxalkere 2022 de reyna hêrişê Rojawanê Kurdîstanî kerd, Kurdîstan de qirkerdişî kerdî û tewr peyên zî 23yê kanûne de Fransa de Merkezê Kulturê Kurdan ê Ahmet Kayayî de 3 kurdî qetil kerdî.

PÎKî vat: ''Ma hêvîdar ê ke serra newîye zulm û qirkerdişanê dîktoran ra do xelisa. Şarê kurdî rê 2023 de haştî, wayûbiratî û yewîye lazim ê. Ma sere de pêro partî û rêxistinanê kurdan ra, şarê kurdî ra wazenê ke 2023 sey serra yewî û haştîye pêşwazî bikerê. Ma Rahmanî ra hêvî kenê ke na serra newîye seba şarê ma yê mazlûmî biba serra wesîleya Kurdîstanêkê azadî. Ma pê bawer ê ke serra newîye do seba şarê kurdî biba serra azadîye. Seba pêro şaranê dinya zî na serre do biba wesîleya aramî û haştîye.''