Merkezê Çapemenî û Îrtîbatî yê HPG’yî derheqê çalakîyan de eşkerayîya nuştekîye weşanaye.

Eskerî nêzdî ra ameyî pirodayene

Eşkerayîye de ame vatene, "Artêşa TC'yî ya îşxalkere mabênê 4-6'ê Gulane de herêma Gabarî ya Botanî de dest bi operasyonêk kerd. No operasyono ke xeylî eskerî bi hetkarîya teknîke tewrê ci bîyê, hêzanê ma yê gerîlayan tayê çalakîyî viraştî. Netîceyê çalakîyan de operasyonê dişmenî ame binkerdene. Goreyê naye zî;

4'ê Gulane wareyê Findikê ya herêma Gabarî de hêzanê ma yewîya dişmenî ya operasyonî girewte teqîp û saete 16:30 de vera hermêkê operasyonî çalakîyêk viraşte. Cayêko nêzdî ra yewîye ameye pirodayene û netîceyê çalakîye de 2 eskerê dişmenî ameyî kiştene, 2 zî bî birîndar.

7 eskerî ameyî kiştene

5'ê Gulane saete 06:30 de wareyê Navserî de hetkarîya teyeranê keşfî û helîkopteranê kobrayî operasyonêk dest pêkerd. Eynî roje saete 15:30 de hêzanê ma wareyê Şehîd Arasî de xo verda mîyanê hêzanê dişmenî û 2 herman de çalakîye viraşte. Na çalakîya ke bi tewirê fedayî ameya viraştene, derbê giran dayî hêzanê dişmenî ro. Şer de 7 eskerî dişmenî ameyî kiştene. Dişmen saete 16:30 de 4 reyî bi helîkopteranê skorskyî merde û birîndarê xo wedaritî. Hûmara vîndîbîyayîya dişmenî zêdetir a.

Çalakîya Seydwanîye

Artêşa TC'yî ya îşxalker a ke di rojanê destpêkî yê operasyonî de derbê giranî girewtê, 6'ê Gulane operasyono hîratir kerd. Vera yewîyêka dişmenî ya wareyê Şehîd Osmanî, eynî roje saete 16:30 de hêzanê ma çalakîyêk viraşte. Na çalakîya ke bi hawayê Seydwanîye ameya kerdene, 4 keskerê dişmenî ameyî kiştene û xeylî zî bî birîndar.

Operasyon bê netîce mend

Dimayê çalakîye, hêzê dişmenî şanê 6'ê Gulane de bi hawayêko bê netîce xo wareyî ra apey ant.

Prosesê operasyono ke 3 rojî dewam kerd, temamê ci 13 eskerî dişmenî ameyî kiştene, xeylî eskerê dişmenî zî bî birîndar. Labelê Fermandarîya Pêroyî ya TC’yî û çapemenîya şerî ya taybete, sey her reyî rast nêda û bi hawayêko zurekerîye da zanayene ke 3 eskerî dişmenî merdê û hevalêk ma şehîd bîyo. Operasyon de hêzanê ma zirar nêdî.

Hemleya Qesasî yê Şehîde Meyda Mawa û Şehîd Rizgar Geverî

Prosesê çalakîyan o ke nîşan dano bi tewirê fedayî û afernayîşê taktîkî operasyonêko hîra senî yeno binkewtene, eynî wext de bi serkewtişî qedênayîşê Hemleya Şorişgêrî ya Şehîde Delal Amede û Şehîdanê Bestayî yo. Hetê bînî ra destpêkerdişê Hemleya Qesasî yê Şehîde Meyda Mawa û Şehdî Rizgar Geverî yo. Ma vanê, serê binqgeyê qerardarîye, fedayî û bawerîya Apoyî, dewlemendî û afernayîya taktîkî, Gerîlayê Azadîye yê Kurdistanî newe ra ameyê awankerdene, do tewr astengîyan nas nêkenê û prosesê hemleya neweye de serkewtiş heme hêzana herêma Botanî rê wazenê.”

Lêlîkan de çalakîya vera îşxalkeran

Eşkerayîye de ame vatene, "Çarçewaya Hemleya Şorişgêre ya Şehîd Bager û Şehîd Ronya ya ke Wareyê Pawitişî yê Medya de dewam kena de, 7'ê Nîsane (vizêrî) bi roje saete 13:00 de herêma Sîdekanî ya Başûrê Kurdistanî de vera eskeranê TC'yî yê îşxalkeran ê serê Girê Lêlîkanî, hêzanê ma çalakîyêk viraşte. Derbê giranî dayî mewzî û stargehanê serê girî ro, labelê hûmara merde û birîndaranê dişmenî nêameye tespîtkerdene.”

Zap de hêrişê hewayî

HPG'yî da zanayene, teyerayê şerî yê Tirkî herêma Zapî bombardûman kerd û ame vatene, "7'ê Gulane mabênê saetanê 20:30-21:00 de teyerayê şerî yê têşa TC'yî ya îşxalkere, der û dorê dewa Sîda ya herêma Zapî Herêmanê Pawitişî yê Medya bombardûman kerd. Netîceyê bombardûmanan de tu zirar nêrest hêzanê ma, labelê bax û baxçeyanê dewijan zirar dî.”