Platformê Kede û Demokrasî yê Amedî derheqê şewatanê Koyê Cûdîyî û Licê û talanê daristananê Akbelenî de Parka Roboskî ya qezaya Peyasî de eşkerayîye daye çapemenîye. Temsîlkarê HDPyî zî tewrê eşkerayîye bîyî.

Eşkerayîye de Sereka Odaya Doktoran a Amedî Elîfe Turan qisey kerd û vat: ''Bi destê dewlete û selahîyetdaran hem şewatî yenê vetene hem zî seba rantî daristanî birîyenê. Cûdî de şaro ke wazeno şewatî hewna bikero yeno astengkerdene.''

Vervatoxa Platformî Nûjîyane Yildirim zî bale ante ser ke şewatê Cûdî û Licê hetê leşkeran ra ameyê vetene. Yildirime da zanayene ke dewlete û sermayedarî polîtîkayanê talanî anê ca û vat: ''Şewatê Cûdîyî zerar dano ekosîstemî. Ganî Cûdî vera talankerdişê xoza bibo herêmêka sembole. Ma seba mudaxeleyê lezabezî yê şewatî bibê veng. Keştîya merdimatîye Cûdî de vêşena. Ganî kerdoxê şewatê Cûdîyî bêrê cezakerdene. Ganî pêro dezgeh û rêxistinî wayîrê Cûdîyî vejîyê.''