Roniştoxê dewa Qizilçe ya bajarekê Pêncewînî Salih Rehîmî derheqê bombardumanê Tirkîya yê 24ê tebaxa 2021î de ANFyî rê qisey kerd.

Rehîmî verî hêrişê îşxalî yê dewleta tirke şermezar kerdî û vat: ''Tirkîya pê bombardumanan cuya înan herimnaye. Ma nêeşkenê bax û baxçeyanê xo ra bigêrê. Tirkîya xîret kena ke çimê ma bitersna. Ganî Hukmatê Herêma Kurdîstanî vera ney hêrişan tewirê xo bimojno. Ma tersî ra nêeşkenê şorê cayêk.  Kamca de kurdî estbê dewleta tirke hêrişê ci kena. Çunke dewleta tirke dişmenê pêro kurdan o. Her roje xozaya Kurdîstanî yena vêşnayene. Nê kerdişî vera merdimî yê. Sey şarê kurdî vera nê kerdişan nêrazîbîyayîşî ra ber destê ma ra çîyêk nêno la ganî hukmat vera ci vindero.''