Waranê gerîlayan de Newroze yena fîrazkerdene. Herêma Garê ya Behdînanî de gerîlayanê YJA-Star û HPGyî bi merasîmêkê leşkerî û şayîye Newroze fîraz kerde. Fermandarê HPG û YJA-Starî Xelat Şemsê, Dîlane Hogir û Şevger Hîmo tewrê merasîmî bîyî.

Fermandara YJA-Starî Xelate Şemsê vat: ''Ma Newropa 50. ya partîya xo fîraz kenê. Xeta Mazlûm, Zekîye û Kemalan na roje manadar kerde û resnaye leweyî. Nînan û şarê ma qetî tarîtîya ke dişmenî ferz kerdêne qebul nêkerde û adirê roşnîye vist ta. Oyo ke tewr zaf na roje na xete awan kerda Rayber Apo yo. Ewro cuye û estbîyayîş ameyê awankerdene. Xoverdayîşê Zîndanê Îmraliyî bîyo bawerîya pêro şaranê bindestan. Ma reyna canê ke ma raştîya paradîgmaya rayberîye ser de yê. Ma pê bawer ê ke serra 2022yî bikerê serra azadîya Rayberîye, azadîya Kurdîstanî. Têna Newroze de nê ma her roje ganî têkoşîn bikerê. Ma cuya bê Serekî qebul nêkerê. Wa pêro embazî bêteredut erkanê xo bîyarê ca.''

Fermandaranê HPGyî ra Şevger Hîmoyî vat: ''Sere de yê Rayber Apoyî ma Newroza pêro embazan û şehîdan fîraz kenê. Ma soz danê ke na serre azadîya Rayberîye bîyarê ca. Ma sey gerîlayanê HPGyî heta ke erdê xo îşxalî ra mexelisnê rehet nêkenê. Seba ney zî ganî ma têkoşînê xo xurtêr bikerê. Ma bi xoverdayîşê xo yê 2021î cewabêko pîl da dişmenî. Vera Dehaqanê nê çaxî AKP û MHPyî Kawayê nê çaxî gerîlayî xoverdayîşî rê do dewam bikerê. Adirê Newroze do koyanê Kurdîstanî de geş bibo û no adir do îşxalkeran birijno.''

Fermandara YJA-Starî Dîlane Hogir vat: ''Ma Newroza Rayber Apoyî fîraz kenê. Ma şexsê Mazlûm Doganî de Newroza pêro embazanê zîndanan fîraz kenê. Ewro Newroze bîye sembola serkewtişê azadîye. Sey a roje ewro zî waranê azadîye de adirê Newroze ame tavistene. Bi taybetî waranê koyan de no adir berz bi, têkoşîno ewroyîn dewamê roşanê Newroze yo. Ma zî bi na wesîle pêro dildaranê azadîye fîraz kenê.''