Gerîla Şerzan Gabar şehîd bi
HPGyî da pêhesnayene ke gerîla Şerzan Gabar şehîd bîyo û vat: ''Hemrayê ma Şerzanê ke têkoşînê xo yê azadîye ke Kobanê de dest pê ci kerd, koyanê Kurdîstanî de ser vist, do tim mîyanê têkoşînê ma de bicîwîyo.''
Merkezê Îrtîbatî û Çapemenîye yê HPGyî bi eşkerayîyêke nasnameyê gerîlayêkî eşkera kerd û nê vatî:
“9ê hezîrana 2024î de hemrayê Şerzan Gabar Herêmanê Pawitişî yê Medya de netîceya qezayêkê bêtalehî de şehîd bi. Hemrayê ma Şerzanê ke têkoşînê xo yê azadîye ke Kobanê de dest pê ci kerd, koyanê Kurdîstanî de ser vist, do tim mîyanê têkoşînê ma de bicîwîyo.
Na çarçewa de ma sere de keyeyê erjîyayeyî yê hemrayê xo Şerzanî heme şarê welatperwerî yê Kurdîstanî rê serweşîye wazenê û soz danê ke ma do waştişê şehîdan ê Kurdîstanê azadî bîyarê ca.
Nasnameyê embazê ma Şerzanî wina yo:
|
|
Nameyê Qodî: Şerzan Gabar Name û Peyname: Elaa Urfalî Cayê Bîyayîşî: Kobanê Maye-Pî: Leyla – Hesen Tarîx û Cayê Şehadetî: 9ê Hezîrana 2024î /Herêmê Pawitişî yê Medya
|
Hemrayê ma Şerzan Kobanê de sey ferdêkê eşîrê Şêxanî yeno dinya û bi kultur û tradîsyonê kurdan beno pîl. Bi Şorişê Azadîye yê Rojawanî mîlîtananê Apoyî nas keno û binê tesîrê înan de maneno. Babîyê ci Şorişê Azadîye yê Rojawan de 2013 de şehîd beno û no ey ser zaf tesîr keno. Hemrayê ma Şerzan 2016 de tewrê hêzanê azadîye beno. Bado ke perwerdeyê îdeolojîk û leşkerî geno xeylêk hemle û çalakîyanê vera DAÎŞî de ca geno û dima ra verê xo dano koyanê Kurdîstanî û tewrê refanê gerîlayan beno. Herêmanê Pawitişî yê Medya perwerde geno û wextê gerîlatîya xo de heme wezîfeyanê xo bi serkewtişî ano ca.''
