Gerîla Bilikîyî qala şehîd Têkoşer Kurdistanî kerde ke 6ê êlula 2020î de Xerzanê Bedlîsî de şehîd bibi.

Bilikîyî vat: ''Mi serranê 2017-2018î de Akademîya Şehîd Mahîrî de embaz Têkoşer şinasna. O merdimêko zaf rind bi, zerrîya ci de hîs û fikrê rindî estbî. Têkoşer Kurdistan mîsalanê tewr rindan ê embazîye ra yew bi. O kesêko bicoş û zerrînizm bi. Seba ke o Rojhelatê Kurdîstanî ra bi nuştişê pê herfanê latînkî ci rê zehmet bi. La ey tim xîret kerd ke xo aver bêro. Embaz Têkoşerî 6 mengan de teknîkanê sabotajî musa, perwerdeyê xo kerd temam. Wexto ke ey dest pê karêkî kerdêne heta ke ser nêkewo tira fek vera nêdayêne. Dima ke ey perwerdeyo îdeolojîk safî kerd waşt şoro Vakur û bi nê hawayî Xerzan de wezîfe girewt. O bi kelecanêkê pîlî şi Vakur la wextêkê kilmî ra dima şehîd bi.Hêrişêkê hewayî de tîma ey ra embazêk birîndar bibi û embazêko bîn zî şehîd bibi. Têkoşerî wexto ke xîret kerdêne înan warî ra bivejo şehîd bi.''

Bilikîyî peynîya qiseykerdişê xo de ard ziwan ke o embazê xo Têkoşer bi minet yad keno û seba ke têkoşînê ey pîl bikerê dişmenî ra ê do hesab bipersê.