Gerîlayanê şerê Zapî ra Xebat Cûdîyî ard ziwan ke vera çekanê kîmyewîyan û her tewirê teknîkî xoverdayîşêko bêhempa yeno kerdene û vat: ''Hêriş vera pêro merdiman yeno kerdene. La peynî de îradeyê merdiman do ser bikewo.''
Gerîlayanê Hemleya Şorişgêre ya Bazanê Zagrosî Xebat Cûdîyo ke herêma Zapî de şer keno, ANFyî rê qala rewşa şerî kerde.
Xebat Cûdîyî pare kerd ke vera hêrişanê kîmyewîyan xoverdayîşêko pîl tunelanê şerî de yeno kerdene û vat: ''Nê hêrişî vera pêro merdiman yenê kerdene. La oyo ke do ser bikewo îradeyê merdiman o. Îradeyo ke PKKyî dayo merdiman, bi nê xoverdayîşî resa asta tewr berze. Embazanê ma şehîdan no îrade temsîl kerd. Serkêşê nê xoverdayîşê bêhempayî Rayber Apo yo. Armancê ma yo sereke zî azadkerdişê ey o.
Artêşa tirke ya îşxalkere 2008 de Zap de xo apey antbi. Nika zî ha agêrena û cenazayanê leşkeranê xo zî vêşnena. Nê leşkerê îşxalkerî do bêrê cezakerdene. Dişmen keno ke binkewtişê xo binimno. La xoverdayîşê ma do ser bikewo. Dengizê Reşî ra heta Qendîlî ma do qetî ser bikewê.''
