Gerîlayanê HPG û YJA-Starî bi wesîleya serrgêra 43. ya ronayîşê PKKyî ANFyî rê qisey kerd.

Gerîlaya YJA-Starî Efrîne Tolhildan vat: ''PKKyî ewro xo resna bi mîlyonan kesan. Coka dişmen do pê PKKyî nêeşko. Têgêrayîşê Azadîye Heftanînî ra heta Xakurkê xo ver dano. Seba ke no têgêrayîşê azadîye yo, şarê bindestî dormeyê fikranê Rayber Apoyî de ameyî pêser. Ez venga pêro ciwanan dana ke wext wextê roniştişî nîyo, wextê azadîye yo. Coka ganî her kes bi wezîfe û mesuldarîya xo wurzo payan ser.''

Gerîlayê HPGyî Berxweda Jîyanî vat: ''PKK çêranê xo reyde mîyanê tarîxî de wayîrê cayêkê girîngî yo.Fikrê Rayber Apoyî  her tewirê kahanperestîye wedareno û azadîye aferneno. Serra 43. de seba azadîya Kurdîstanî û yê Rayberîye ma do têkoşîn war nêverdê. Bedelê ci se beno wa bibo. ''

Gerîlayê HPGyî Derwêş Edûlê vat: ''Cigêrayîşê raştîye yo ke Rayber Apoyî da ma verî, ewro reseno bi mîlyonan kesan.  Dewleta tirke ya îşxalkere seba ke rijîyayîşê xo yê vera PKKyî binimno û xo çinbîyayîşî ra bixelisno bi çekanê teknîkan hêrişê têgêrayîşê ma keno. Labelê nê xîretê ci betal ê. PKK wele xo ra awan bi û ver bi serkewtişî şino.''

Gerîlayê HPGyî Rûbar Hêşetî vat: ''PKKyî vera dişmenî raştîyêka şarî vete werte. Na raştîye cewherê kurdan o. Gerîla seke heta nika kerd nika ra pey zî pêro mesuldarîyanê xo bîyarê ca  û xo ver bidê. Ma serra 43. ya têkoşînî de Rayberê xo azad bikerê û têkoşînê xo bi serkewtişî tacîdar bikerê.''