Xoverdayoxanê Cengê Heftanînî ra gerîla Serdar Silopîyî îşxalê Efrîn û Serêkanîyê vist vîrî û îfade kerd ke eke gerîlayan ra nêbo dewleta tirke Zaxo û Dihok îşxal kena. Silopîyî vat ê do heta peyêne şarê xo bipawê.
Xoverdayoxanê Cengê Heftanînî ra gerîla Serdar Silopîyî bale ante hêrişanê dewleta tirke ser û sebebê geşbîyayîşê xoverdayîşê Heftanînî ard ziwan.
Gerîlayê HPGyî destpêk de şexsê fermandaranê HPGyî Egîd Civyan û Canfeda Goyî de şehîdê Kurdîstanî yad kerdî û vat: ''Operasyonê Heftanînî tarîxê Têgêrayîşê Azadîye yê Kurdîstanî de operasyonanê tewr pîlan ra yew o. Dişmen propaganda keno ke o bi asanî kewt Heftanîn la no raşt nîyo. No xoverdayîş sayê fikr û felsefeya Rayber Apoyî ra vera beno pîlêr.
Ma Efrîn û Serêkanîyê de dî. Destpêk de înan herême ser o bombayî varnayî û dima xo resna merkezan, şarê ma rê îşkence kerd, şarê ma qetil kerd û tecawuz kerd. Nika zî ê wazenê nê çîyan Başûrê Kurdîstanî de bikerê. Labelê planê înan Heftanîn de ame çinkerdene.
Eke gerîla ra nêbo dewleta tirke xo resnena Zaxo û Dihok û ê cayan îşxal kena. Dewleta tirke seba holîye nêşina cayêk têna seba menfaatanê xo waran îşxal kena. Bêguman ma do Cengê Heftanînî de heta peynî şarê xo bipawê.''
