Gerîlaya YJA Starî Hêvî Ronya  têkoşînê Şeşdara yo ke cinîyan xeta têkoşînî afernaye û Cengê Heftanînî ke 109 rojî xo dima verdayî, ercnayî.

Ronya ard ziwan ke a çîyê ke ci rê şahîd bîya qala ci kena la se kena wa bikere do kêm bimano, o têkoşîno biheybet têna bi qalkerdişî nêno fehmkerdene.

Ronya vat: Wexto ke operasyonî dest pê kerd hêrişo verên ê hewayî Keşan de bi.  Hîrê embazê ma ûca şehîd bîyî û saetanê şewe de operasyon dîya destpêkerdene. Înan verî waşt ke Şehîd Kendal û Bektorya de leşkeranê xo ca bikerê la dewkewtiş û vejîyayîşê dişmenî bi yew. Embazê ke Şehîd Kendal de yê cewabêko pîl da înan.

 Dişmenî rixmo ke zanayene ke gerîla têkoşîn keno wina hêriş kerd la înan nêzanayene ke gerîlayî xo newe kerdo ke  ûca maneyê dişmenî şikîya. Herêmanê Xantûrî, Şeşdara û Partîzanî de operasyonêko  hîra yê îşxalî ame destpêkerdene. Xantûr de embazî aşmêke ra zafêr vera teknîkî têkoşîn kerd.  Vera teyara, keşîf, kobra û skroskyan şer kerd. Dişmenî çend xîrat kerd ke leşkeranê xo tîya bîyaro war zî nêeşka. Emazan bi rojan vera tekînî şer kerd û destur nêda dişmenî. Dişmenî di rojî Xantûr ser û bin kerd la nêeşka xo ûca bido cakerdene.

Ronya bale ante ser grûbêka cinîyan vera artêşêke şer kerd û  wina dewam kerd: ''Şeşdara de grûbêka cinîyan estbi. Nê embazan vat; 'dişmen ame ma şinê vera înan.' Vatişê; 'ma şinê' de coş û heyacan pirr bi. vatêne; 'wa bêrê ma amadeye. Ma do heta peynî şer bikerê û destur nêdê ke ê bikewê herra ma.' Ma zî cîhazan ser ra embazî teqîp kerdêne. Moralê înan ca de bi. Bi hezaran çeteyê dewleta tirke, bi seyan leşkerî û qoricîyê ke înan rê serkeşîyê kenê şîyêne grûbêka cinîyan ser. Embazanê cinîyan vera dewleta tirk a îşxalker û tecawuzkere tarîxê têkoşînî nuştêne. Bi saetan hetêkî ra kobrayan dayêne piro, skroskyan leşkerî ardêne war û hetê bînî ra  erdî ra zî ameyêne û  qilanê wiverî ra mudaxalê kerdêne la rixmê naye dişmen vera têkoşînê embazan ser nêkewtêne. Sey çareyê peyênî teyareyê şerî wirznayî. Tarîxî de reya verêne ke yew ca pancas rey bi teyareyanê şerî ameyêne pirodayene. O wext dişmenî vînkerdeyê xo  bêçareyîya xo îlan kerd.Artêşa tirk a faşîste gama ke Terteleyê Dêrsimî de bi teyaranê şerî dayêne şarî ro vatêne; 'heta ke na herre de yew ganî bimano ma do piro de.' 

Şehdî Esmere, şehîde Ararat, şehîde Zelale, şehîde Bêrîvan û xeylêk embazanê rindan ê bînan tîya dişmen perîşan kerd. Dişmen rixmê heme îmkananê xo yê teknîkî û hêrişanê zafhetinan binkewt. No semedê ma serkewtişo pîl bi. Embazê cinîyî bi xoverdayîş, moral, coş û tîlîlîyan şiyênî  dişmenî ser. Dişmen pîşman bi ke ame warê Şeşdara û no xoverdayîşo tewr pîl bi.''