Gerîla TVyî dîmenê Operasyonê Şorişgêrî yê Şehîde Vîyane Doga weşanayî ke 15ê sibate de amebi kerdene û tede 37 îşxalkerî ameybî cezakerdene.

Gerîla TVyî bi nameyê ''Agir Kete Dilê Enqere'' dîmenî weşanayî. Dîmenan de aseno ke Warê Xoverdayîşî yê Girê Cûdîyî yê Herêma Şehîd Delîlî ya Rojawanê Zapî de mewzîyê îşxalkeran hetê gerîlayan ra yenê hedefkerdene û xeylêk mewzîyî yenê îmhakerdene.

Fîlm de dîmenê dronanê mewzîyanê îşxalkeran, kendalan ra şîyayîşê gerîlayan, qiseykerdişê gerîlayan û pêkewtişan cagênê.

Gerîlayê ke têlan ra vejîyenê wexto ke ver bi ''çeperanê dişmenî'' şinê, vengê çekan eşnawîyenê. Gerîlayî kewenê mewzîyan, dest nanê çekanê îşxalkeran ser û gerîlayê cinîyî ''tîlîlîî'' vanê. Gerîlayêka cinîye vana ''Aver şorê, mewzîyan kontrol bikerê'' û heman wextî de gerîlayî bombayanê destan erzenê mewzîyanê dişmenî. Gerîlayî kewenê zereyê pêro xeyman û dest nanê çekan ser.

Wexto ke ''baregeh''ê dişmenî rijîyeno gerîlayêk vano ''Agir kete dilê Enqerê.''

Wextê pêkewtişan de gerîla Şervan şehîd beno. Gerîlayo şehîd hetê embazanê xo ra warî ra yeno berdene. Gerîlayî kendalan ra milê xo de cenazaya embazê xo benê.

Merkezê Îrtîbatî û Çapemenîye yê HPGyî dabî zanayene ke nê operasyonî de 37 îşxalkerî ameyê cezakerdene û xeylêk malzemeyê îşxalkeran ameyê îmhakerdene.