Merkezê Çapemenî û Îrtîbatî yê HPG’yî derheqê çalakîyanê xo yê peyênan û hêrişê artêşa Tirkî de eşkerayîya nuştekîye daye.

Eşkerayîye de ca dîya nê zanayîşan:

“Artêşa Tirkî ya îşxalkera 26’ê Nîsane wareyê Kêla Memê yê girêdayîyê qezaya Qilabanî ya Şirnexî de dest bi operasyonêkî kerdebî. Artêşa Tirkî nêzdîyê saete 06:00 de bi hetkarîya teknîkî Wewala Hêzîl, Dewa Mêhrê û wareyê Diryan de eskerî ronayî, hêzanê ma hermêkê operasyonî  girewt binê korntolê xo. Hêzanê ma 28’ê Nîsane saete 15:00 de nêzdî ra da yewîya operasyonî ro. Netîceyê çalakîye de 5 eskerî ameyî kiştene, eskerêk zî bi birîndar. Na çalakîya ke hetê Tîmanê Qesasî yê Şehîd Ayten Becete ra ameya viraştene, artêşa Tirkî derbeyê giranî girewtî û 30’ê Nîsane de mecbûr mende ke wareyê çalakîye ra bivejîyo. Netîceyê çalakîye de tu zirar nêresto hêzanê ma.

Operasyonê Cûdî bê netîce apey de ancîya

Artêşa Tirkî ya îşxalkera  operasyono ke 29’ê Nîsane de wareyê Kursê Keça, Şkerê Kara, Çelê Jehrê, Derîyê Bêserê, Milê Bernê, Sefîne û Gundikremo yê girêdayîyê herêma Cûdî yê Şirnexî de dabî destpêkerdene 30’ê Nîsane de  saetanê şanî de bê netîceyêk apey de ancîya.

3 gerîlayî şehîd kewtî

Artêşa Tirkî ya îşxalkera 30’ê Nîsane saetanê şodirî de wareyê Girê Hirmo, Navser, Derîyê Xendek, Tepê Ortê, Teyrê Baz, Şehîd Yildiz, Kela Bêzar û Koşîmyan de dest bi operasyonêkê hîrayî kerdibi. Çarçeweya nê operasyonî deware bi helîkopter û teyeranê şerî ame bombardûmankerdene, 1’ê Gulane nêzdîyê saete 13:30 de hêzanê ma varê hermêkê dişmenî yê operasyonî çalakîyêk viraşte. Na çalakîye de eskerêk ame kiştene. Eynî roje saete 15:00 de artêşa Tirkî merde û birîndarê xo wedarnayî û wareyê çalakîye ra apey ancîyaye. Bombardûmanê 30’ê Nîsane de hemrayê ma Roza Ekîne û Jînda netîceyê bombardûmanê teyeranê şerî de şehîd kewtî. Ma soz danê ke ma do hesreta hemrayanê xo Têkoşînê Azadîye yê Kurdistanî de biresnê serkewtiş. Ma do bado zanayîşanê nasnameyanê hemrayanê xo rayapêroyî reyde pare bikerê.

Teyeranê şerî Zap bombardûman kerd

Teyeranê Şerî yê artêşa Tirkî ya îşxalkere  3’ê Gulane mabênê saetanê 06:55-09:05 de wareyê Dewa Gilla ya girêdayîye Zapî ya Wareyê Pawitişê Medya bombardûman kerd. Netîceyê bombardûman de tu zirar nêresto hêzanê ma, cografyaya Kurdisanî rîyê bombardûmanan ra zirar dî.''