Gerîla Sara Serhed (Delîla Yildiz) serra 1994î de qezaya Erdîşî ya Wanî de dadîya xo ra bîye û serra 2014î de zî tewra gerîlayan bena. Gerîla Sara hezîrana 2018î de Colemêrg de pa 4 embazanê xo şehîd bena.

Gerîla Sara derheqê cuya mîyanê PKKyî de nê çîyî vatî: ''Embazan û cuya înan zaf tesîrê mi kerd. Ez bi îdîaya ke biba teqîbkerdoxa embazanê xo ya şehîdan ameya tîya û ez do têkoşînê înan berz bikera. No têgêrayîş merdiman xurt, zaneye û perwerde keno. Coka merdimî tede zêdêr perwerê cuye benê. Mi xîret kerd ke asta zanistî û xorînbîyayîşê qerardarî de tewr biba. Ez wazena cewab bida waştişanê şarê xo.''

Gerîla Sara hêvîya azadîya şar û Rayberê Şarê Kurdî tim zerrî û mezgê xo de kerde pîl û seba nê armancî mîyanê şert û mercananê giranan de pêro wezîfe û mesuldarîyê xo ardî ca.

Gerîla Sara Serhed seba embazanê xo yê şehîdan Sema Yuce û Zeynep Kinaci wina vat: ''Çalakîyanê înan ê fedayîyan zaf tesîrê mi kerd. Îradeyê înan bîyî metodê ma. Ruhê embaze Sema ruhêko fedayî yo. Aye xo bi temamî daye Rayberîye û qet teslîmîyet qebul nêkerd. Cinîyî ganî zêdêr têkoşîn aver berê. Ez zî sey şerwanêke rayîrê înan de bikera ke têkoşîn berz bikera.''