Gerîlayanê HPG û YJA Starî 4‘ê Nîsane de rojbîyayîşê Rayberê Şarê Kurdî Abdullah Ocalanî pîroz kerd. Fermandaranê HPG ûYJA Starî ra Kawenda Herekole, Têkoşîn Batmane û Gulbahar Rojhilate beşdarê aktîvîteyan bîyî û derheqê manaya 4’ê Nîsane de qisey kerd û va Rayberîye domantîya xo ra nata kewte heqîqetî dima û mucadele de ma rê serkêşîye kerde.“

Kawenda Herekole aktîvîteyan de grevê vêşanîye  silam kerdî û wina va: “Rojbîyayîşê Rayber Apoyî rojbîyayîşê yew şexsî nîyo. Rayber Apoyî xêza demokrasî, heqîqet û serkewtişî ya. Rayberîye domantîya xo ra nata mucedele keno. Domantîya xo ra nata xêza heqîqetî ra nêvejîyayo û  ma rê serkêşîye kerda..

 Rayberîye mucadeleyê azadîye dano

Ma bi nê feraset, xoverdayîş û ruhî azadîye nas kerde. Ma bi serkêşîya Rayber Apoyî, 45 serrî yo ke çar parçe Kurdistan de mucadele kenê. No mucadele nika Rojakewtena Miyanêne rê serkêşîye keno. Rayber Apo seba pêroyê cinîyan, domanan, şaran çimeyê cesaret û bawerîye yo. Rayberîye mucadeleyê azadîye dano. Pêro wextê xo bi neweranuştişê tarîxê mucadeleyî derbaz beno. Ma embaz û mîlîtananê ey no tarîx û mucadele de serkewtiş esas girewt.

Qet kes nêeşkeno bi nê tecrîdî îradeyê ma bişikno

Ewro Îmralî de şert û mercî giran ê. Na seba ma birînêka kûre ya. La ma qetîya no tecrîd normal nêdî û ma nêmusayî ci.Qet kes nêeşkeno bi nê tecrîdî îradeyê ma bişikno. Wazenê ke mabênê ma û Rayberîya ma akerê. Rayberîye bawerî û fikir a. Rayberîye ruhêko azad a, nê fikrî mezg û zerrîya ma de ca girewto.

Şîarê ma ya serkewtiş ya serkewtiş o

Ma do bi şîmarê “Tecrîdî bişiknê, Faşîzmî birijnê û Kurdistanî bikê Azad“ xo ver bidê û bi Rayberîye reyde cuya azade esas bigîrê û serra 2019’î de serbikewê. Ma seba serkewtişî heta peynîyê xo ver bidê.Seba ma şîar no yo: Ya serkewtiş ya serkewtiş.“