Gerîla TVyî bi sernameyê 'Hêzanê ma teknîkê dişmenî çin kerd' dîmenê wesayîtê bêmerdiman (ÎHA) yo ke ameyo warvistene weşanayî.

Dîmenan de aseno ke di gerîlayî hetê ÎHA de vindenê û nînan ra yew vano ke wesayît aîdê dewleta tirke ya îşxalkere yo.

Gerîlayî vat: ''Dewleta tirke pê teyarayanê keşfî bawer kena. Ma verî zî ardbi ziwan ke teknîkê dewleta tirke ya îşxalkere vera gerîlayan bêtesîr o. Qet yew teknîk û teknolojî nêeşkeno verê gerîlayan bigêro. Ma reyna wazenê vajê ke eke teyarayê înan ê keşfî est ê, ê ma zî doktrînê ma yê şerî est o.''

Dîmenan de aseno ke gerîlayo bîn parçeyanê ÎHA pakeno û nê parçeyan dano şinasnayene.