Gerîlayan derbe girane daye îxşalkaran ro

Gerîlayanê HPG/YJA Starî Bazîd, Cûdî, Lêlîkan û Çelê de vera îşxalkeran çalakîyî viraştî. Netîceyê çalakîyan de xeylî eskerê atêşa Tirkî ameyî kiştene.

Merkezê Çapemenî û Îrtîbatî yê HPG’yî derheqê çalakîyanê gerîlayan de eşkerayîyêk daye.

HPG’yî eşkerayîye de nê zanayîşî rayapêroyî reyde pare kerdî:

Panzere ameye pirodayene

''19'ê Nîsane hêzanê ma saete 13.00 de çarçewaya Hemleya Serkewtişî ya Şorişgêrî ya ke Eyalete Serhadî de yena domnayene de, vera wesayîtêka zirxinî ya bi tîpê panzare, ke serê rayîrê Bazîd-Îdirî de dame ronana, çalakîyêk ameye viraştene. Çalakîye de derbeyêka serkewtîye ameye pirodayene û netîceyê çalakîye de 2 eskerî ameyî kiştene û wesayîta zirxine zî ameye derbekerdene. Artêşa TC'yî ya îşxalkere çalakîye ra dima merde û birîndarê xo bi hetkarîya xeylî wesayîtanê zirxinan bi ambûlansan wedaritî û wareyê çalakîye ra durî fîştî, bi çekanê giranan na ra der û dorê wareyî ro. Netîceyê na çalakîye de tu zerar nêresto hêzanê ma.

Cûdî de yewîya nimiteye bîye hedef

18'ê Nîsane hêzanê ma yewîya ke wareyê Eynika yê Koyî Cûdî yê Şirnexî de dame ronana girewte binê kontrolê xo. Wextêk binê kontrolî de ameyê girewtene, eynî roje saete 18.00 de hêzanê ma na yewîye kerd hedefê xo. Hêzanê ma derbeyêka serkewtîye daye na yewîye ro û nêame tespîtkerdene ke na çalakîye de çend eskerî ameyî kiştene û çend zî bîyê birîndarî. Artêşa TC'yî ya îşxalkere çalakîye ra dima ware da verê top û obûsan û wareyê ra apey ancîye. Na çalakîye de tu zerar nêresto hêzanê ma.

Lêlîkan de suîkast: Eskerêk ame kiştene

Hêzanê ma bi Hemleya Şorişgêrî ya Şehîd Bager û Şehîd Ronya 19'ê Nîsane saete 13.00 de vera Artêşa TC'yî ya îşxalkera ke Girê Lêlikanî ye Sidekanî ya serê erdê Başûrê Kurdistanî de ca bîya çalakîyêka suîskaste viraşte û na çalakîye de eskerêk ame kiştene.

Na çalakîya hêzanê ma ra dima saete 13.30 de Girê Lêlikanî reya dîyine kerd hedef û çalakîyêk viraşte. Çalakîye de kozik û stargehê dişmenî yê serê girî ameyê pirodayene, hûmara merdan û birîndaranê eskerî nêameya tespîtkerdene.

Bado derheqê çalakîya Çelê de eşkerayîyêka hîraye do bêra dayene

Hêzanê ma bi çarçewaya hemleya eynî roje de saete 21.10 de vera eskeranê TC’yî yê îşxalkeran ê ke Girê Şehîd Bagerî yê Girê Koordîne yê Çelê ya Colemêrgî de ca bîyê çalakîyêk viraşte. Detayê na çalakîya ke xeylî merde û birîndarê dişmenî estê, ma bado bi hawayêko hîratir rayapêroyî reyde do berê parekerdene.

Hêrişê hewayî yê serê Zapî

20'ê Nîsane (ewro) saete 01.00 de teyaranê şeran ê artêşa TC’yî ya îşxalkere, Girê Şehîd Adilî yê herêma Zapî ya Wareyanê Pawitişî yê Medya bombarduman kerdî. Netîceyê bombardumanan de tu zerar nêresto hêzanê ma.”