Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke dayê û nê pare kerdî:

Colemêrg

"21ê gulane de hêzanê ma Çelê ya Colemêrgî de vera îxalkeran çalakîya sabotajî viraşte. Çalakîya ke Tepê Ser Zêrî de ameye viraştene de leşkerêk ame kiştene. 22 gulane de reyna Çelê de leşkerê ke Qilê Stûna de ameyî cakerdene vera înan çalakîya suîqestî ameye viraştene. Çalakîye de leşkerêk ame kiştene.

Amed

30ê nîsane de artêşa tirke herême Şehîd Remzî yê amedî de operasyonêk da destpêkerdene. Operasyono ke mabênê dewanê Zenga Sor û Xoserî de ame kerdene 1ê gulane destveng peyser ame antene. 2ê aşme de reyna eynî herême de operasyonêk ame  destpêkerdene. Mabênê hêzanê ma û îşxalkeran de pêkewtişî qewîmîyayî. Nê  pêkewtişî de embazêkê ma ke bi hawayêkê qehremankî şer kerdêne şehîd kewt û şexso bi nameyê Xebat Rodî teslîmê dişmenî bîyo. Îşxalkeran 15ê gulane de operasyon kerd hîra û eynî roje peyser ante. Falîyetê dame yê îşxalkeran dormeyê Koyê Bulgurî de dewam kenê. Ma do peyra nasnameyê embazê xo yê şehîd eşkera bikerê.

Agirî

12ê gulane de artêşa tirke warê Glidagî yê Bazîdê Agîrî bi teyarayanê şerî bombardûman kerd û dima ra herême de operasyon da destpêkerdene. Nê operasyonî de embazê ma Seydo Qamişlo esîr kewt destê dişmenî. Operasyon roja bîne qedîya û hêrişî de vînîbîyayeyê ma çîn ê.

20ê gulane de teyarayanê şerî yê dewleta tirke warê Deşta Kayfa yê herêma Garê ya Herêmanê Pawitişî yê Medya bombavaran kerd. Nê hêrişî de vînîbîyayeyê ma çîn ê."