Gerîlayan Cûdî de da eskeran ê ke vejîyayê operasyon ro

Gerîlayanê HPG û YJA Starî Cûdî de vera eskeranê ke vejîyayê operasyon çalakîyî viraştî. Çalakîyan de xeylî eskerî ameyî kiştene.

Merkezê Çapemenî û Îrtîbatî yê HPG’yî da zanayen ke Cûdî de vera eskeranê Tirkan di çalakîyî ameyî viraştene.

Eşkerayîya HPG’yî de nê zanayîşî ameyî dayene:

“17’ê Nîsane de (Vizêr)  artêşa Tirkî ya îşxalkere wareyê Cudî yê Şirnêxî de operasyonêk da destpêkerdene. Hêzanê ma wareyê Bajarê Kirî de eskerê  dişmenî yê ke wazenê daman ronê girewtî binê kontrolê xo û dimayê danê şanî saete 14.00 de di hetan ra da eskeran ro. Saete 17.00 de wexto ke nê yewîyanê nimiteyan waşt xo apey bigêrê, hêzanê ma reyêka bîne da înan ro. Na çalakîye de hûmara eskeranê merdeyan û birîndaran nêameyê zelalkerdene.

Çalakîye ra dima dişmenî topî eştî wareyê Girê Çolya û Eynîka û operasyon bi eştişê nê topan apey ancîya. Nê çalakî û hêrişan  de tu zerar nêresto hêzanê ma.”