Merkezê Çapemenî û Îrtîbatî yê HPG’yî derheqê çalakîyanê gerîlayan ê Xakurkê, Amed û Serhadî de zanayîş da.

Xakurkê de Xoverdayîşêko Tarîxkî Yeno Dayene

HPG’yî vist vîrî ke Xakurkê xoverdayîşêko tarîxkî esto û va: ’’Hêzanê ma vera hêrişê îşxalî yê Xakurkê çalakîyêka bitêsîr viraşte. Çalakîya ke çarçeweya Hemleya Şorişgêre ya Şehdî Bager û Şehîde Ronya de 11’ê Hezîrane de qirikê Ermûşî de hîrê hetan ra  ameye viraştene de 4 leşkerî  ameyî kiştene 1 zî birîndar bi. Çalakîye ra dima herême ameye bombardûmankerdene. Yewîya ma ya ke çalakîye viraşte vîndîbîyayeyê aye çîn a.’’

Agîrî de Tewr Tay 20 Leşkerî  Ameyî Kiştene

Eşkerayîye de ame vatene: ‘’Çarçeweya Hemleya Serkewtişî ya Şorişgêre ya ke Eyaletê Serhadî de yena domnqyene de Bazîdê Agirî de çalakîyêk ameye viraştene. 11’ê Hezîrane de vera  wesayîtêkê zirxinî û kamyona ke tewr tay 30 leşkerî kiriştêne çalakîyêk ameye viraştene. çalakîya bitêsîra ke wesîyatan derbe girewte de  tewr tay 20 leşkerî ameyî kiştene û 15 zî birîndar bîyî. Yewîya ma ya ke çalakîye viraşte weş resaye cayê xo.

Amed de Çalakîye û Kontrolkerdişê Rayîrî

Eşkerayîye wina dewam kerd: ‘’Qezaya Ferqînî ya Amedî de 9’ê Hezîrane de  yewîyêka dişmenî ya asayîşê awbendî hetê hêzanê ma ra ameye  pirodayene la peynîya çalakîye zeylal nêbîye. Dimayê çalakîye operasyon ame destpêkerdene. 10’ê Hezîrane de hêzanê ma mabênê Pasûrê Amedî û Mûşî de çalakîya kontrolkerdişê rayîrî  viraşte. Embazanê ma nasnameyî kontrol kerdî  û derheqê prosesî de zanayîş da.’’

HPG’yî vat: ‘’12’ê Hezîrane de teyareyanê şerî yê artêşa Tirkî  herêma Xinêre ya Xakurkê bombardûman kerd. Netîceyê herişî de vîndîbîyayeyê ma çîn ê.’’