Gerîlayan da îşxalkaran ro: 12 eskerê Tirkî ameyî kiştene
HPG’yî eşkera kerd ke pêkewtişanê Şemzînan, Besta û Çewlîg de xeylî eskerî ameyî kiştene.
HPG’yî eşkera kerd ke pêkewtişanê Şemzînan, Besta û Çewlîg de xeylî eskerî ameyî kiştene.
Merkezê Çapemenî û Îrtîbatî yê HPG’yî bi eşkerayîyêk detayê çalakîyanê gerîlayan rayapêroyî dir pare kerdî.
Eşkerayîye de ca dîya nînan: ‘’Çarçeweya Hemleya Şorişgêre ya Şehîd Bager û Şehîde Ronya de vera artêşa Tirkî çalakîyê bitesîr ameyî viraştene. Na çarçewe de detayê çalakîyan wina yê:
25’ê Temmuze de hêzanê ma yê YJA Starî qezaya Şemzînanî ya Colemêrgî de çalakîya sabotajî viraşte. Çalakîya ke vera wesayîtêko Qereqolê Bezelê ra ver bi Qereqolê Gemanî şiyêne ameye viraştene de wesayît temamî de ame îmhakerdene û yewê ci payeberz 4 eskerî ameyî kiştene. 26’ê Temmuze de herêmanê Wareyê Pawitişî yê Medya ra Xakurdê eskerê ke Qilê Şehîde Saraya de ameyî cakerdene ameyî pirodayene. Çalakîye de eskerêk ame kiştene eskerêk zî birîndar bi. 27’ê Temmuze de Qilê Şehîd Botanî yê Xakurkê de vera eskeranê îşxalkaran çalakîyêk ameye viraştene, eskerêk ame kiştene. Yewîyanê ma yê ke çalakîyî viraştî weşûwar resayî ca yê xo.
Çalakîyê Botanî
Çarçeweya Hemleya Qesasî ya Şehîde Medya Mawa û Şehîd Rizgar Geverî ya ke Botan de yena domaneyene de vera artêşa Tirkî çalakîyê bitesîr ameyî viraştene. Na çarçewe de detayê çalakîyan wina yê:
24’ê Temmuze de herêma Besta ya Botanî de yewîyêka dişmenî ya nimiteye herêma Berê Pîrê de hedef ameye girewtene. Çalakîya ke îşxalkarî mesafayo nêzdî ra ameyî pirodayene de tesbîtkerde 3 eskerî ameyî kiştene û 1 zî birîndar bi. 27’ê Temmuze de qezaya Silopî ya Şirnexî de vera nuqteyêka kontrolî ya ke nêzdîyê dewa Hedîtî de ya çalakîyêk ameye viraştene. Netîceya çalakîye de wesayîtêkê tîpê Kobra û konteyniryêk ameyî îmhakerdene û tesbîtkerde 3 eskerî ameyî kiştene û 1 zî birîndar bi. Her di çalakîyan de zî embazanê ma yê ke çalakîye viraşte weşûwar resayê cayê xo.
Çewlîg de Pêkewtiş: 4 Gerîlayî Şehîd Bîyî
22’ê Temmuze de artêşa Tirkî ya îşxalkare qezaya Çermê ya Çewlîgî de operasyonêk da destpêkerdene. Operasyon de hêzê ma û yewîyê dişmenî raştê yewbînan ameyî û pêkewtişî vejîyayî. Pêkewtişanê giranan de xeylî eskerî ameyî kiştene. 4 hemrayê ma yê ke vera dişmenî bi qehremankî şer kerdêne şehîd bîyî. Sicîlê embazanê ma do rayapêroyî dir bêrê parekerdene.
Hêrişê Hewayî
26’ê Temmuze de teyareyanê şerî ya artêşa Tirkî Qilê Colemêrgî û Kesta yê pabesteyê Metîna bombardûman kerdî. Nê hêrişan de vînîbîyayeyê ma çîn ê.’’