Merkezê Îrtîbatî û Çapemenîye yê HPGyî bi eşkerayîyêke derheqê çalakîyanê gerîlayan û hêrişê artêşa tirke de zanayîş da.

Eşkerayî de nê ameyî parekerdene:

''Bêşebabê Şirnexî de xeylêk wexto ke yewîya dişmenî mintiqaya Derîyê Qaçê ya warê Kato Jîrka de têgêrayêne. Hêzanê ma verî  a girewtî binê kontrolî û 29ê temmuze de çarçeweya Hemleya Qesasî yê Şehîde Medya Mawa û Şehdî Rizgar Geverî de da piro. Çalakîya sabotajî de yewîya dişmenî biîsabetî ameye pirodayene û 4 leşkerî ameyî cezakerdene û 1 zî birîndar bi.

13ê temmuze de artêşa tirke ya îşxalkere warê Çiravî yê herêma Gabarê Şirnexî de operasyon da destpêkerdene. Saetanê cemê şanî de herême bi teyarayanê şerî ameye bombardumankerdene û dima ra bi helîkopereran leşkerî herême de ameyî cakerdene. Operasyono ke heta roja bîne dewam kerd de pêkewtiş û bombardumanê ci de embazê ma Delîl, Şervan û Rûhan şedîd bîyî. Derheqê nasnameyanê embazanê ma de do peyra zanayîş bêro dayene.

Teyarayanê şerî yê artêşa tirke 30ê temmuze de herêma Avaşanî ya Herêmanê Pawitişê Medya de vera warê Tabûra Ereba bi obus û havanan hêriş kerd. Netîceya nê hêrişî de herême de şewat vejîya.''