Endamê Partîya Şaran a Demokratîke (HDP) Nasir Yagiz 160 rojî, endama Meclîsê Îştarî yê  Mexmûrî Fadîle Toke 100 rojî, Herêm Mehmûdo ke qezaya Kelarî ya Germîyanî de zî 65 rojî yo vera tecrîdê grevê vêşanîye  de yê. Gerîlayan xoverdayoxanê grevê vêşanîye rê mektube şawite.

Mektube de da zanayene, vînayîşê Ocalanî roje bi roje gandar benê û vengdayîşê bi şarê Başûrê Kurdistanî ame kerdene ke bêvengîye bişiknê.

Mektube de ame vatene, “Ma heme çalakwananê grevê vêşanîye silam kenê û înan rê serkewtiş wazenê. Rayber Apo hêvîya azadîye û serkewtişî zêde kerde. Şexsê Rayber Apoyî de serê heme şar û neteweyê Kurdî, demokrasî û azadîye de tecrîd yeno kerdene. Wazenê ke zerrîya bi mîlyonan merdiman zîndanan de tecrîd bikerê. Labelê nêzanê ke zerrîya bi mîlyonan merdiman a ke azadîye wazenê de fikrê Rayber Apoyî estê û roje bi roje nê fikrî gandar benê. Vengdayîşê ma bi şarê Başûrî o yo ke na bêvengîye bişiknê. Ma bi heme fikrêkê hemparî Rayber Apo û erdê xo wayîr bivejîyê. Ma do pîya biresê amancê xo, ser bikewê û azadîya Rayber Apoyî îlan bikerê. Ma do azadîya Rayber Apoyî dîyarîya şarê xo, merdimîye, azadperweran, dayîkan û şehîdan ê zerrîpakan bikerê. Ma her wextî ra hîna zaf nêzdîyê serkewtişî yê, serkewtiş yê ma yo”