Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Metîna

''Çarçewa Hemleya Şorişgêre ya Cengê Xabûrî de 15ê temmuze de vera îşxalkeranê ke Qilê Koordîne de ameyî cakerdene di hetanî ra çalakîye ameye kerdene. Çalakîya ke semedê vîrardişê Rojeyê Mergî yê Pîlî yê 14ê Temmuze ameye kerdene de 5 îşxalkerî ameyî kiştene, 2 mewzî, Çekêka A4î û çekêka bombaeştişî û kamerayêka mobese ameyî îmhakerdene.

Avaşîn

14ê temmuze de artêşa tirke warê Werxelê yê Avaşînî de bi gazanê axûyînan hêrişê tunelanê şerî kerd. Reyna 15ê temmuze de zî îşxalkeran cehd kerd ke bi madeyanê teqayîşî hêrişê nê tunelan bikero. Hêzanê ma mudaxale kerd. Nê madeyê teqayîşî hetê hêzanê ma ra ameyî îmhakerdene.  14ê temmuze de warê Mervanosî, Tabûrê Ereban, Mamreşo, Girê Sorî, Girê Spî yê Avaşînî de têgêrayîşê helîkopteran qewimîya. Seatanê şewe de warê Werxelê û Girê Sorî pê hêlîkopteranê hêrişî ameyî bombardumankerdene.''