Dewleta tirke ya îşxalkere 25ê gulana 2022yî de vera Metîna û Zapî hêrişê îşxalî da destpêkerdene. Gerîlayanê HGP û YJA Starî vera hêrişanê îşxalî têkoşîno xurt da.  Artêşa tirke ya îşxalkera ke derbeyê girdî werdî cenazayê leşkeranê xo û cepilxaneyê xo binê vewre de verda û warê Cûdîyî ra remaye.  Badê 6 aşman artêşa tirke ya îşxalkere  şewa 20-21ê temuze de reyna dest pê hêrişanê îşxalî kerd. AKP bi propagandaya bi nê hêrişan do gerîlayan biqedînê waştêne emrê îqtîdarê xo derg bikero.

Gerîlayî zî seba ke rolê xo yê tarîxîyî bîyarî ca û hêrişanê dişmenî betal bikerî, hazir bî. Warê Zap, Avaşîn, Metîna û Xakurkê yê ke tede bi metreyan vewre est a, hetê gerîlayan ra bîyî çatrayîrê azadîye yê şarê Kurdîstanî. Gerîlayê ke bi eşqê tîje û bawerîya serkewtişî bi bombayan şîyî mewzîyanê dişmenî ser, hesabê Îmrali û tecrîdî persayî.

Gerîlayê Azadîye yê Kurdîstanî vernîyê payîzê 2023yî ra nata vera artêşa tirke operasyonanê şorişgêren kena. Tewr peynî de herêma Qilê Cûdîyî yê Şehîd Delîl Zagrosî de bi nameyê şehîde Doga Vîyane operasyono şorişgêr kerd. Gerîlayan mewzîyê ke dewleta tirke 3 serran de viraştî 90 deqayan de îmha kerdî û dest na xeylêk çeke û cepilxaneyî ser. Operasyonê şorişgêrî yê gerîlayan de 37 leşkerê îşxalkerî ameyî kiştene. Gerîlayanê HPG û YJA Starî seba ke rêçanê leyminan ê leşkeranê tirkan biesterê her çîyê artêş atirke da adirî ver û derbeyê girdî dayî dişmenî ro.

Gama ke Almanya de bi hezaran kesî semedê azadîya fîzîkîye ya Rayberê Şarê Kurdî Abdullah Ocalanî vejîyayî kuçeyan, gerîlayan zî bi vengê tifinganê xo vat, ''Ma do tecrîdî bişiknê û destûr îşxalî medê.'' Gerîlayanê Azadîye yê Kurdîstanî yê ke bi çalakîyanê tarîxîyan morê xo danê binê şerê dewrê neweyî ro, mojna  ke do beyraqa serkewtişî destanê kamî  de bêro têşanayene. Gerîlayê HPG û YJA Starî yê ke bi ruhê Şehîde Leyla Sorxwîn, Melsa Mûş, Axîne Gabar, Helmet Dêrelûk û Doga Vîyan qerardar têkoşîn kenê û planê komplogeran betal kerd, paradîgmaya Rayber Apoyî pawit û verê hêzanê komplogeran grewt ke wazenê kurdan û têgêrayîşê ci çîn bikerê.