Merkezê Çapamenî û Îrtîbatî yê HPG’yî derheqê çalakîyanê Îdir û Sîdekanî de zanayîş da.

Cewabê Hêrişê Vera Dayîkanê Kurdan Ame Dayene

Eşkerayîye de ca dîya nînan: ‘‘24’ê Nîsane de (vizêr) saetanê serê sibayî de vera qereqolê Adinlarî yo ke pabesteyê Îdirî yo hêzanê  ma çarçeweya Hamleya Şorişgêrî ya Serkewtişî  ya ke eyaletê Serhadî de ameya destpêkerdene de çalakîyêk viraşte. Na çalakî vera hêrişê serê dayîkanê Kurdan ê ke sere de Gebze xeylî cayan raştê zulm û îşkence yenê ameye viraştene.

Îdir de 13 Leşkerî Ameyî Kiştene

Wesayîto zirxinê ke şîyêne qereqol hedef ame girewtene û mesafeyo nizdî ra bitesîr ame pirodayene. Reyna mewzî û stargehê dişmenî zî hetê hêzanê ma ra bitesîr ameyî pirodayene. Leşkerê ke qile de bî cewab nêda û remayî. Çalakîye de temamî de 11 leşkerê dişmenî ameyî kiştene û 10 zî birîndar bîyî.

Sîdekan de 3 Leşkerî Ameyî Kiştene

Çarçeweya Hamleya Şorişgêrî ya Şehîd Bager û Şehîde Ronya de 24’ê Nîsane de (vizêr) saetanê nîmrojî de hêzanê ma Sîdekanê Başûrê Kurdistanî de Qilê Kevortê de çalakîyêk viraşte. Mewzîyêkê dişmenî ke 5 leşkerî tede bî bitesîr ame pirodayene. Çalakîye de 3 leşkerî ameyî kiştene 2 leşkerî zî birîndar bîyî. Çalakî ra dima dişmenî derûdor bi çekanê giranan bombarduman kerd. Vara şanî zî teyareyanê şerdî herêma Kevortê bombarduman kerde. Hêrişan de vindîbîyayeyê ma çîn ê.

Garê û Avaşîn Hêrişê Hewayî

24’ê Nîsane de teyareyanê şerî yê Tirkî hêrişê Wareyê Pawitişî yê Medya kerd.  Cemê sibayî Garê  de derûdorê dewa Gisê û cemê şanî zî herêma Mervanûsî ya Avaşînî ameyî bombardumankerdene. Herîşan de vidîbîyayeyê ma çîn ê. Dewa Gîsê de hega û bostananê şarî zirar dî.‘‘