Merkezê Îrtîbat û Çapemenîye yê HPG'yî da zanayene  ke 23'ê Tebaxe de artêşa Tirkî serê herêma Heftanînî ya Heramanê Pawitişî yê Medya de operasyonêk da destpêkerdene, hêzanê HPG'yî bi xoverdayîşêko tarîxî cewab da înan. HPG'yî vat: "Destpêkê têgêrayîşê îşxalkarî ra nata hêzanê ma derbeyê giranî dayî artêşa Tirkî ya îşxalkare ro û Hemleya Şorişgêre ya Cengê Heftanîn reyde xoverdayîşo tarîxî ame astêka berze.

HPG'yî derheqê operasyonê şorişgêrî de nê zanayîşî dayî:

"Çarçeweya bi wesîleyê serrgêra şehîdbîyayîşê embaze Şehîde Bêrîtane de rayberîya hêzanê ma yê YJA-Starî ra 25'ê Teşrîna Verêne saete 14:00 de serê Girê Konferansî û Sîserî de ke artêşa Tirkî ya îşxalkare tede ca bibî, 8 baskan ra operasyonêko şorişger ame kerdene. Mewzî û sîperê dişmenî yê Girê Konferansî û Sîserî kewtî verê guleyanê hêzanê ma û bi ruhêkê pîlî yê çalakîye kewtî mîyanê mewzîyanê dişmenî. 7 mewzîyê dişmenî û 2 sîperê înan ameyî îmhakerdene, Girê Sîserî de zî sîperêkê dişmenî bi temamî ame îmhakerdene. Hêzanê ma operasyono şorişgêr de yew bi yew hêzê dişmenî çin kerdî, tewr tay 30 leşkerê dişmenî ameyî kiştene û zafê leşkerî birîndar bîyî. Dimayê nê çalakîyan artêşa Tikrî ya îşxalkare ware da verê obusan, hawanan û çekanê giranan."

HPG'yî vat: ''Çarçeweya Hemleya Şorişgêre ya Şehîd Bager û Şehîde Ronya de 24'ê Teşrîna Verêne hêzanê ma kepçeyêkê zirxin ê artêşa Tirkî ya îşxalkare ke mabênê qereqolanê Mêrgî û Museka ya Şemzînan a Colemêrgî de rayîr viraştêne, kerd hedef. Derbêka serkewte kepçeyî ro ameye dayene, kepçe bi temamî îmha bîyo û ame tesbîtkerdene ke 1 leşkerê dişmenî ame kiştene."