Merkezê Îrtîbatî û Çapemenîye yê HPGyî  derheqê çalakîyanê gerîlayan û hêrişê artêşa tirke de eşkerayîye daye.

 HPGyî da pêhesnayene ke gerîlayan Xakurkê de semedê vîrameyîşê Hewteyê Qehremanîye tay çalakîyî kerdî û detayê ci pare kerdî: ''27ê adare de Girê Kevortê de îşxalkerê tirkî hetê gerîlayan ra ameyî pirodayene, tewr tay di îşxalkerî ameyî cezakerdene û yew mewzî ameye îmhakerdene. 29ê adare de wesayîtêko leşkerî yê dewleta tirke yo ke operasyonê vera Girê Lêlikan û Girê Şehîd Şervanî de ameyênî şuxulnayene hetê gerîlayan ra ame pirodayene. Çalakîye de wesayît ame îmhakerdene û çar îşxlakerî ameyî cezakerdene.  30ê adare de reyna îşxalkerî Girê Lêlikanî de pê çekanê giranan ameyî pirodayene. Çalakîye de mewzîyêke ameye îmhakerdene û hîrê îşxalkerî ameyî cezakerdene.''

Eşkerayîyê de derheqê hêrişê artêşa tirke û qewimîyayîşanê bînan de nê ameyî vatene: ''28ê adare de warê Kurojahroyî yê herêma Zap, 29ê adare de warê Kela Bêdewê, Kurojahro, Kunişka û Sîda yê herêma Zapî pê teyaranê şerî ameyî bombardumankerdene. 27, 28 û 29ê adare de dormeyê dewa Bazê yê Metîna, Girê Hakkarî  û Girê Ortê pê teyaranê şerî û dormeyê dewanê Qurmriyê û Gundê Hirorê pê helîkopteranê hêrişî ameyî bombardumankerdene.Girê Azad, Girê Şehîd Çîya û Girê Mîlîtanî de zî pê helîkopteran leşkerî ameyî cakerdene. 31ê adare de doremyê Berbizina û warê Girê Şheîd Hêmînî yê herêma Xakurkê û warê Mervanosî û Şehîd Dilgêşî yê herêma Avaşînî pê teyarayanê şerî ameyî bombardumankerdene. 1ê nîsane de warê Girê FMyî hetê qereqolanê xeta sînorî ra pê obusan ameyî bombardumankerdene. Eynî roje Girê Hakarî yê Metîna û warê Kurojahroyî yê Zapî pê teyaranê şerî dîyayî bombayan ver.''