Gerîlayanê HPGyî bale ante girîngîya çekan ê giranan ê Hemleya Cengê Heftanînî ser û bi taybetî rolê topanê hawanî nîşa da.

Dewleta tirke ya ke operasyonanê vera Vakurê Kurdîstanî ra qîm nêkena Başûrê Kurdîstanî de zî hêrişanê xo dewam kena. Na çarçewe de bi hawayêkê bêmabênî hêrişê hawayî kena. Artêşa tirke vera çalakîyan û xoverdayîşê gerîlayan nêeşkena aver şora.

Gerîlayê HPGyî Ferman Memyanî vat: ''Çalakîyê bi hawanî dişmenan zaf tersnenê. Çunke tebdîr çin o ke vera hawanan bigêrê. Çalakîyanê ma yê bi hawanan de leşkerê tirkî xo cepheyan de nimnenê. Psîkolojîyê înan xera bîyî.''

Baxtîyar Cizîrî zî gerîlayêkê Cengê Heftanînî yo. Cizîrîyî vat: ''Seba artêşa tirke surprîzê ma esto. Vera hawanan hukmê teknînî çin o, nêeşkenê tebdîran bigêrê. Her ca de ke çilka varanî kewena ci, hawan zî do bikewo ci.''