Merkezê Îrtîbatî û Çapemenîye yê HPGyî derheqê çalakî û hêrişanê dewleta îşxalkere de eşkerayîyêke daye.

Eşkerayîya HPGyî wina ya:

''Hêzanê ma 11ê teşrîna verêne de herêma Madenî ya Şirnexî de vera Suleyman Bolunmez çalakîyêke kerde. Suleyman Bolunmez pêro îhaleyê qereqolanê ke herêma Cûdîyî de virazîyenê girewtî û heman wextî de Şirnex de ajanîye keno. Suleyman Bolunmez bîyo hemkarê sûcan ê qirkeran ê kolonyalîstan. Netîceya çalakîya cezakerdişî de Suleyman Bolunmez bi giranî birîndar bi.

Hêrişê teyarayanê şerî yê artêşa tirke ya îşxalkere yê vera Herêmanê Pawitişî yê Medya bêmabên dewam kenê.

30ê teşrîna verêne de dewa Ergenî ya warê Meyroke ya Herêma Garî hetê îşxalkeran ra dîyaye bombayan ver. Netîceya bombardumanî de herême de şewat vejîya. Şewat hema zî dewam keno. Dewleta tirke ya kolonyalîste qestî ra bax û baxçeyê dewa Ergenî hedef kerdî.

Reyna 30ê teşrîna verêne de warê Kêste yê Herêma Metîna, warê Çemçoyî yê Herêma Zapî  û warê Sîda yê Herêma Zapî dîyayî bombayan ver

Nê hêrişan de zerarêk nêresa hêzanê ma ser.''