Gerîlayanê HPGyî Rûbar Gabar û Demhat Qamişloyî yê ke koyanê Kurdîstanî de vera artêşa tirke ya îşxalkere xover danê xoverdayîşê Tişrînî selam kerd.

Gerîlayan ra Demhat Qamişloyî nê vatî: ''Ez şarê ma yo ke Rojawan de xover dano selam kena. Ma paştî danê şarê xo. Ma zî tîya xover danê. Paşta ma şarê ma ra pêt a, ma deyndarê şarê xo yê. Ma koyanê Kurdîstanî de şarê ma zî bajaran de vera îşxalkeran şer keno, xover dano. Eke destê yewbînan bigîrê ma do miheqeq ser bikewê, cunke no şerêkê şarê şorişgêrî yo.''

Gerîla Rûbar Gabarî zî xoverdayîşê ciwanê kurdan û ereban ke vera DAÎŞî selam kerd û vat: ''Şarê ma di mengan ra zafêr o Awbendê Tişrînî de xover dano. No nimûneyo tewr hol ê şerê şarê şorişgêrî yo.  Vera tanqan, teyarayan û topanê dewleta tirke xover danê. Rixmê hêrişê teyarayan şarê ma peyser game nêerzeno. Ez sey gerîlayêkê erebî paştî danê şarê ma.''