Gerîlayê HPG û YJA-Starî têkoşînê azadîye de xoverdayîşê pîlî kenê. Gerîlayanê YJA-Starî bi pêro rengê xo beşdarê Cengê Heftanînî benê û Heftanîn de benê çimeyê hêzî. Gerîlayê YJA-Starî vanê: ''Wext wextê têgêrayîşî yo.''

Gerîlayê YJA-Starî Azê, Zîlane û Eyleme destpêkerişê xoverdayîşê Heftanînî ra nata têgêrenê ke bi awazanê xo şerê azadîye rîpelanê tarîxî de ca bigêro. Gerîlayê azadîye hetêkî ra cepheyan de şer kenê hetêkî ra zî hunerê xo kenê.

Gerîla Eyleme Mazlûm hem xebeta weşîye kena hem zî bi awazê xo Cengê Heftanînî de ca gêna. Gerîla Eyleme vat: ''Ma seba qesas û vîrameyîşê embazanê xo na deyîre viraşte. Ma çeka hunerî zî xebitnenê. Ma bi na deyîre Cengê Heftanînî da naskerdene.''

Gerîlaye Azê Vîyan zî vat: ''Ma seba vîrameyîşê embazanê xo yê şehîdan na deyîre viraşte. Dişmen ganî bizano ke ma qesasê şarê xo û embazanê xo zordaran ra do bigêrê.''

Gerîla Zîlane Devrîm vat: ''Ma do qesasê embazanê xo erdî de nêverdê. Bi hunerê gerîlayan ma tim embazanê xo bidê ciwîyayene. Nê esasî ser o ma na deyîre viraşte û ma na deyîre dîyarîya şarê xo û embazanê xo kenê ke Cengê Heftanînî de xo ver danê.''

Deyîra Cengê Heftanînî koyanê Heftanînî ser o berz bena. Cinîyê kurdî yê şorişgêrî bi na deyîre reyna xo berz kenê û resenê pêro dinya. Heftanîn de estbîyayîşê cinîyan game bi game şerê azadîye xurt keno.