Hêzê PDKyî hema zî ver bi herêmanê gerîlayan sewqîyatê leşkeran dewam kenê. 2 gerîlayanê başûrijan ê HPGyî yê ke nika herêma Zagrosan de têkoşîn kenê derheqê mesele de ANFyî rê qisey kerd.

Gerîla Celal Fedakar û Çekdar Gulan diyar kirin ku ew ê ji bo parastina destketiyên xwe heya dawî mafê xwe yê parastina rewa bikar bînin.

Gerîlayê HPGyî Celal Fedakaro ke hewlêrij o, derheqê babete de wina vat: ''PDK seba menfaatanê xo verê Têgêrayîşê Azadîye yê Kurdîstanî gêno û şerê birakujî de israr keno.  Kurdan rê şerê zereyî û îxanet fayde nêkenê. PDKyî bi hêrişanê xo yê vera Garê mojna ke ê amadekarîya şerî kenê. Ma nêwazenê vera peşmêrgeyan şer bikerê. Sere de herêma Garê û Herêmê Pawitişî yê Medya netîceya ked û gonîya şehîdanê ma de ameyî pawitene û nika binê kontrolê ma de yê. Eke hêzê PDKyî hêrişê waranê ma bikerê, seba pawitişê nê waran ma amade yê her çi bikerê. Wa şarê Başûrî pê nê çîyan bihesê. Ez venga ciwananê Başûrî dana ke wa tewrê gerîlayan bibê û vera îşxalan şer bikerê.''

Gerîla Çekdar Gulano ke Helebçe ra yo, wina vat: ''PDK wazenê gerîlayan Başûrî ra vejo. Ma domanê Başûrê Kurdîstanî yê, ma gerîlayê PKKyî yê û seba rûmetê erdê xo têkoşîn kenê. Eke ma erd û welatê xo ra fek vera bidê ma do şorê ça? Gerîlayî bi serran o tîya de şer kenê. Wa PDK xo vîr a nêkero ke gerîlayan Şingal, Mexmûr, Kerkûk û Hewlêr de rûmetê înan pawit. Ma do xora erdê xo bipawê. Ez sey gerîlayêkê başûrijî venga ciwananê Başûrî dana ke verê xîretan ê gemarinan bigêrê û nêbê parçeyê şer û îxanetî.''