Gerîlayê Botanî: Ma do erdê Botanî îşxalî ra bixelisnê

Gerîlayanê Botanî yê ke vera îşxalê herêma Botanî xoverdayîşêkê pîlî danê vat: "Ma pawitoxê xeta Apoyî yê, ma do Botanî îşxalî ra bixelisnê."

Gerîlayê HPG û YJA-Starî herêma Botanî de vera îşxalanê Dewleta Tirkan xoverdayîşêkê pîlî û bêhempa danê. Gerîlayan derheqê şer û xoverdayîşê Botanî de fikrê xo ardî ziwan.

Gerîlaya YJA-Starî Nuda Arîn vat: "Ma sey hêzanê gerîlayan şerê îradeyî kenê. Dişmenê ma tersnek û bêîrade yê. No zî kifş keno ke dişmenê ma wextê xo yê tewr bêhêzî de yê."

Gerîla Arîne vat: "Terz û taktîkê neweyî hetê gerîlayan ra yenê xebitnayene û bi bawerîya têkoşînê azadîye zehmetîyî ke nika estî qedîyenê. Zehmetî bi kede û xîretanê pîlan û serkewtişanê pîlan çin benê."

Gerîlayê HPGyî Sabir Sîpanî vat: "Şarê kurdan bi felsefeya Rayber Apoyî heta ewro ame. Naye ra zî şero taybet seba şarê kurdan astengêk nîyo. No mojneno ke dişmen ver bi çinbîyayîşî şino."

Gerîlayanê Botanî ra Şerge Cafî vat: "Dewleta Tirkan xîret kena ke kurdan û gerîlayan çin bika la faşîzmê tirkan qet nêeşkeno bireso nê netîceyî. Çunke gerîlayî seba azadîya kurdan bi îradeyêkê pîlî têkoşîn kenê. Ma fedayîyê şarê xo yê. Seba serkewtişî ma bi fikranê Serekîye koyanê Kurdîstanî ser o şerê estbîyayîşî danê."

Gerîlaya YJA-Starî Hêvîdare Êrîş Kobanê vat: "Felsefe û fikrê Rayber Apoyî koyanê Kurdîstanî de benê pîl. Ma koyanê fîrazan ê Kurdîstanî reyde têkoşînê azadîya şarê xo kenê. Naye ra ganî her ciwan tewrê gerîlayan bibê."

Gerîlayê HPGyî Laleş Koçerî vat: "Gerîlayê Botanî seba awankerdişê cuyêka azade nefes gênê. Îdîaya ma na ya ke ma heta peyêne bi perspektîf, bawerîye û hêzê Rayber Apoyî erdê xo de xo ver bidê û îşxalanê ke erdê ma ser o yê çin bikê. Ma sey gerîlayanê Botanî îşxlakeran do erdê xo ra bivejê."