Gerîlayanê HPG û YJA Starî derheqê serrgêra Komployê Mîyanneteweyî yê vera Rayberê Şarê Kurdî Abdullah Ocalanî de ANFyî rê qisey kerd.

Gerîlayê HPGyî Tekoşer Fargîn: Xeylêk welatan mîyanê komployî de ca girewt. Welatê ke vanê ma dostê û Rusya ke vana ez sosyalîst a zî mîyanê komployî de ca girewt. Semedê şaranê dinya dej o ke Rayberîya ma 25 serrrî yo destê dişmenî de esîr o. Ganî qet yew netew nê qebul mekero. Xeylêk wextî yo ke Rayberîye ra xebere nîna girewtene. Ganî ma çarçeweya hemleya “Dem Dema Azadiyê ye” de 2023 de semedê azadîya fîzîkîye ya Rayber Apoyî xo hazir bikerê.

Gerîlaya YJA Starî Hebûne Dilsoz: 15ê Sibate semedê şarê kurdî roja tarî ya. Rayberîye 25 serrî yo Îmrali de têkoşîn keno. Têkoşînê tunelanê şerî pê têkoşînê Rayberîye xurtêr beno. Pê têkoşînî Rayberîye şar wirişt payan ser. Şarî xo şinasna, bi yew. Xeyalê şar û gerîlayan Rayberîye reyde ciwîyayîşo azad o.

Gerîlaya YJA Starî Besê Anûş: Ez sey gerîlayêke Komployê Mîyanneteweyî lanet kena. Demê peyênî de xeylêk cayanê dinya de şarî semedê binfînayîşê komployî aktîvîte û çalakîyanê cîya cîyayan kenê. Waştişê ma zî azadîya fîzîkîye ya Rayberîye ya. Rayberîya ma tîja ma ya. Senî ke merdim bê tije nêeşkeno biciwîyo, ma zî bê Rayberîye nêeşkenê biciwîyê. Ma sey gerîlayan wazenê heme komployanê vera şarê kurdî, bin bifînê. Semedê nê zî têkoşînê ma do dewam bikero.

Gerîlayê HPGyî Fûat Mahabad: Dişmenî waşt ke bi nê komployî PKKyî bin bifîno.  Gama ke şarê kurdî payan ser bi Rayberîye esîr girewt. Înan vat qey resayê armancê xo la têkoşînê şarê kurdî ewro dinya de veng dano. No zî xeyrê îdeolojî û felsefeya Rayberîye ra yo. Sey gerîlayan waştişê ma azadîya fîzîkîye ya Rayberîye ya. Nê semedî ra heme çalakîyî bimana yê.  Çalakîya tewr girde ya ciwananê kurdan tewrbîyayîşê sefanê gerîlayan o.

Gerîlayê HPGyî Firat Çiyager: Bi felsefeya Rayber Apoyî şarê kurdî bi serran  ra cuwa pê, pîya têkoşîn kerd. Ewro şero ke Zap, Avaşîn û Metîna de yeno rayraberdene têkoşînê Rayber Apoyî yê Îmraliyî ra hêz û moral geno.  Ma do sey gerîlayanê Kurdîstanî seba ke cewabê hêrişanê dişmenî bidê, ma do wezîfe û berpirsîyarîya xo bi serkewtişî bîyarê ca. Semdê azadîya Rayber Apoyî ma do têkoşînê xo xurtêr bikerê û ser bikewê.

Gerîlaya YJA Starî Peymane Dilsoz: Roja 15ê Sibate rojêka tarî ya la dişmen se keno wa bikero do meeşko tîja ma tarî bikero. Rayberîye rixmo ke 25 serrî yo zîndan de sey esîrî yeno tepiştene, peyser game nêerzeno. Ma zî rêçê Rayberîya xo de şinê û bi roşnayîya ey cuya xo domnenê.