Gerîlaya YJA-Starî Sara Ronahî û gerîlayê HPGyî Berxwedan Heftanînî Zîlane (Zeynepe Kinaci) yad kerde ke 30ê hezîrana 1996î de Dêrsim de çalakîya fedayîye kerdbî.

Gerîlaya YJA-Starî Sara Ronahî ard ziwan ke 30ê hezîrane seba înan zaf girîng a û vat: ''Sey YJA-Starî ma xeta Zîlane de têkoşîn kenê. Wexto ke qala fedayîtî û serkêşîye yena kerdene Zîlane yena vîrê merdiman. Embaze Zîlane bi çalakîya xo derbêka pîle dabi hişmendîya îqtîdarî ro û bîye serkêşa cinîyan. Ma serê raştîya Zîlane xo ver danê û raştîya Zîlane xo rê sey bingeyî gênê. Ruhê embaze Zîlane ruhê şerî yo.''

Gerîlayê HPGyî Berxwedan Heftanînî vist vîrî ke Şehîde Zîlane vera komployê serê Rayberê Şarê Kurdî Abdullah Ocalanî çalakîya fedayîye kerde û vat: ''Ewro ma xeta xoverdayîşî ya Zîlane de şinê. Rayîrê ma rayîrê Zîlane û Egîdî yo. Sey gerîlayanê HPgyî ma xeta Zîlane ser de heta peynî têkoşîn bikerê, ma bi ruhê fedayîtî yê Zîlane xo ver bidê.''