Gerîlayanê HPGyî derheqê serrgêra ronayîşê PKKyî de qisey kerd û vat: "Gerîlayê HPGyî bi xoverdayîşê xo tarîx û erjanê serewedaritişê Kurdîstanî taqîb kenê."

Gerîla Sîpan Welatî vat: "Gerîlayî payan ser o yê. Ma seba serrgêra 41. a ronayîşê partîya xo xoverdayîşê xo geş bikê. Her kes zaneno ke têna koyan de ney her cayê Kurdîstanî de gerîlayî seba pawitişê Kurdîstanî wezîfedar ê. Dewleta Tirke xîret kena ke gerîlayan çimê şarî de qij bika, çapemenîya xo de vana seba şer û xoverdayîşî hêzê gerîlayan nêmend. Raştîye de çîyêko winasên çin o. Ez serrgêra ronayîşê PKKyî yê pêro gerîlayan fîraz kena. Ma sey şar û gerîlayan ganî hêrişanê Artêşa TCyî çin bikê. Seba serra newîye xoverdayîşêko bêmabên lazim o. Gerîlayî bi hêzî xo ver danê. Têna xoverdayîş û têkoşînê gerîlayan eşkeno vera qirkerdişê kurdan vinderê."

Gerîlayê HPGyî Birûsk Munzurî vat: "Artêşa TCyî seba ke gerîlayan îmha bika her çi kena. Ekonomîyê xo seba naye qedînena. Gerîlayî serra newîye de bi proje û plananê neweyan xoverdayîşê xo do dewam bikê. Têna armancê serek ê gerîlayan esto û o zî no yo ke vera tecrîd û sîstemê Îmralîyî xoverdayîş geş û coş bikê. Bi ronayîşê PKKyî Kurdîstanî de vurnayîşê pîlî bîyî. Bi paradîgmaya Serek Apoyî kesayetê kurdan û komelê kurdan de şorişê fikran ame meydan.Gerîlayî rayberîya şarê Kurdîstanî kenê. Gerîlayê HPGyî bi xoverdayîşê xo tarîx û erjanê serewedaritişê Kurdîstanî taqîb kenê. Gerîlayî seba pawitişê erdê Kurdîstanî seba tarîxê Kurdîstanî xo berpirsîyar vînenê."