Gerîlayê Partîya Marksîst Lenînîste ya Komunîste (MLKP) Munzur Baran gerîlayanê HPG û YJA-Starî reyde Zagrosan de xo ver dano.

Gerîla Baranî ANFyî rê hêrişê dewleta tirke û xoverdayîşê gerîlayan ercnayî.

Baranî vat: ''Hêrişê vera Herêmanê Pawitişî yê Medya lingêka 'Planê Çokdayîşî' ya. Dewleta burjuva-kolonyalîste ya tirke ser ra heta binî rijîyaya, bîya mafya. AKP semedo ke estbîyayîşê xo dewam bikero sûcan keno û wazeno Têgêrayîşê Azadîye tasfîye bikero. Hêzê mîyanneteweyî zî paştî danê nê sûcanê îqtîdarî.

Ma sey gerîlayanê MLKP/FESKî tewrê xoverdayîşê gerîlayanê Têgêrayîşê Azadîye yê Kurdan benê û ma do heta çilka peyêne ya gonîya xo do şer bikerê. Ma do serê rêçê çêranê Mamreşo û Zendûra de bibê ke rayîr nêdayo kolonyalîstan. Serkewtişê Garê ra dima Avaşîn, Metîna, Heftanîn û Zap de pê xoverdayîşê gerîlayan tarîx nusîyeno. Dewleta tirke pê çeka kîmyewîye xîret kena ke gerîlayan biqedîna. La ma do qetî rayîr nêdê na dewlete û hemkarê ci ser bikewê.''