Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye. Eşkerayîye wina ya:

''Çalakîyê fedayî yê gerîlayanê azadîye yê vera îşxalî dewam kenê. Serkêşîya YJA-Starî de seba selamkerdişê Hemleya 1ê Hezîrane tay çalakîyî ameyî kerdene. Netîceyê nê çalakîyan de 12 îşxalkerî ameyî cezakerdene,  1 Skorsky û yew dron ameyî warardene, 6 îşxalkerî birîndar bîyî, 1 kameraya mobese ameye îmhakerdene. Hêzanê ma yê YJA-Starî şîyî serê kişteyanê dişmenî û dest na 2 çeka MPTyî, 2 rexte, 1 tifing, 2 şarjor, 1 telefonê mobîlî, 2 kartê telefonî, 2 fenerê destî, 4 mayînî, 1 kameraya sereyî, 1 çanteyê leşkerî û malzemeyanê cuye ser. Detayê çalakîyan wina yê:

Avaşîn

Warê Xoverdayîşî yê Werxelê de îşxalkerê ke waştêne pê gaz û çeka kîmyewî bombayan bivarnê, 3 reyî pê çekanê ferdîyan, 2 reyî pê çekanê giranan, 2 reyî pê taktîkê sabotajî ameyî hedefkerdene. Netîceya mudaxeleyê hêzanê ma de îşxalkeran gamêke xo apey girewt.

Zap

27ê gulane de Warê Xoverdayîşî yê Girê Cûdîyî de mewzîyanê Şehîd Leşkerî de Skorskyo ke waştêne leşkeran bîyarê war hetê hêzanê YJA-Starî ra dîyayî guleyan ver. Skorskyo ke waştêne biremo qereqolê Girî dormeyê Awa Zapî de ame îmhakerdene. Eynî roje dormeyê mewzîyanê şerî yê Warê Xoverdayîşî yê Girê FMyî de îşxalkerê ke têgêrayêne ameyî hedefkerdene, netîceya ney de 1 îşxalker ame cezakerdene, ê bînî bi panîkî vila bîyî. 28ê gulane de Warê Xoverdayîşî yê Şikefta Birîndaran de 1 dron hetê hêzanê YJA-Starî ra ame warardene.

28ê gulane de Warê Xoverdayîşî yê Şehîd Şahînî de, mewzîyanê Şehîd Berxwedanî de 3 îşxalkerî hetê hêzanê YJA-Starî ra ameyî pirodayene. 1 îşxalker kendalî ra gina war. 2 îşxalkerê bînî pê çeke ameyî pirodayene. Embazê ma şîyî serê nê cenazayan, dest na çekê înan, 2 çeka MPTyî, 2 rexte, 1 tifing, 2 şarjor, 1 telefonê mobîlî, 2 kartê telefonî, 2 fenerê destî, 4 mayînî, 1 kameraya sereyî, 1 çanteyê leşkerî û malzemeyanê cuye ser. Heman roje îşxalkerê ke waştêne nêzdîyê mewzîyan bibê hetê embazanê ma ra 3 baskan ra ameyî pirodayene. Netîceya ney de 4 îşxalkerî ameyî cezakerdene û 3 îşxalkerî birîndar bîyî. Dima îşxalkerî reyna di reyî pê taktîkê sabotajî ameyî pirodayene û tîya de zî 2 îşxalkerî ameyî cezakerdene û 3 îşxalkerî birîndar bîyî.

Netîceya nê çalakîyan de 9 îşxalkerî ameyî cezakerdene, 6 îşxalkerî birîndar bîyî. Dest nîya 2 çekan, 2 çeka MPTyî, 2 rexte, 1 tifing, 2 şarjor, 1 telefonê mobîlî, 2 kartê telefonî, 2 fenerê destî, 4 mayînî, 1 kameraya sereyî, 1 çanteyê leşkerî û malzemeyanê cuye ser.

Metîna 

28ê gulane de Warê Xoverdayîşî yê Girê Hekarî de mewzîyanê Şehîd Zemanî de îşxalkerî pê çekanê ferdîyan ameyî pirodayene. Netîceya çalakîye de 2 îşxalkerî ameyî cezakerdene. 25ê gulane de Girê Koordîne de 2 kameraya mobese ya artêşa îşxalkere ameye îmhakerdene.

Bombarduman

28ê gulane de warê Şehîd Şahîn, Şehîd Berxwedan, Girê Şehîd Hewrê, Girê Cehennem û Şikefta Birîndaran ê Zapî 34 reyî pê çekanê kîmyewîyan dîyayî bombayan ver. Eynî roje Şehîd Şahîn, Kurojahro, Şehîd Harûn, Şehîd Tolhildan, Girê Cehennem, Çiyareş, Şikefta Birîndara, Çemço, Girê Cûdî, Girê FM, Girê Amediye û Karkerî yê Metîna, reyna Girê Hekarî yê Metîna û Warê Xoverdayîşî yê Werxelê yê Avaşînî pê teyara û helîkopteranê hêrişî dîyayî bombayan ver.''