Gerîlayê Yewinanê Xelisnayîşê Rojhelatê Kurdîstanî (YRK) Mêrxaz Asosî derheqê hêrişanê îşxalî û têkoşînê gerîlayan de ANFyî rê qisey kerd.

Asosî vateyeê 'Şorişê mezgan şorişo   tewr pîl o' yê Rayberê Şarê Kurdî vist vîrî û vat: ''No zî pê şinasnayîşê îşxalkeran beno. Wexto ke babete kurdî benê Îran û Tirkîya seyci têgêrenê. Rejîmê Îranî wazeno kurdan qir bikero. Wa çew pê vateyanê xayînan mexapîyo. No şer têna şerê gerîlayan nîyo. No şer do çarenusê kurdan eşkera bikero.

Ma prosesêkê winasêne de yê ke ganî her kes wayîrê erkanê xo vejîyo. Gerîlayî her roje derbanê giranan danê dişmenî ro. Vera teknîkê averî yê dişmenî gerîlayî pê îradeyêkê pîlî têkoşîn kenê. Çimeyê gerîlayan felsefeya Rayberê Şarê Kurdî û xoverdayîşê gerîlayan ê. Seba ke nê hêrişî bêrê şiknayene ganî kurdî paştî bidê gerîlayan. Ganî kurdî nê şerî seyr mekerê û her ca de tewrê xoverdayîşî bibê.

Ez venga pêro kurdan bi taybetî venga ciwanan dana ke wa vera îşxalî wurzê payan ser û tewrê gerîlayan bibê. Erkê ciwanan o ke erdê xo bipawê. Ma sey gerîlayan pê paştdayîşê şarê xo bawer ê. Ma pîya vera îşxalî têkoşîn bikerê. Çunke wext wextê xoverdayîşî yo.''